გარემოს ეროვნული სააგენტოს ცნობით, საქართველოში 26-27 იანვარს შენარჩუნებული იქნება უნალექო ამინდი, 28 იანვრიდან 4 თებერვლამდე კი დროგამოშვებით ნალექიანი ამინდია მოსალოდნელი.
28 იანვრიდან საქართველოს მაღალმთიანეთში ზოგან მოთოვს.
ჰაერის ტემპერატურა 27-28 იანვარს დღის საათებში დასავლეთ საქართველოს დაბლობში +12, +17 გრადუსი იქნება, ხოლო 29 იანვრიდან 3-4 გრადუსით დაიკლებს.
გარემოს ეროვნული სააგენტოს გრძელვადიანი ამინდის პროგნოზის თანახმად, ბათუმში შაბათს, 28 იანვარს, ღამით გაავდრდება და 4 თებერვლამდე იწვიმებს. ჰაერის ტემპერატურა მნიშვნელოვნად დაიკლებს.
აღმოსავლეთ საქართველოს ბარში ტემპერატურა +6, +11 გრადუსის ფარგლებში იქნება.
თბილისში 26-28 იანვარს უნალექო ამინდი იქნება, 29-31 იანვარს კი შესაძლოა მცირე წვიმა აღინიშნოს.
29 იანვრიდან თბილისში შედარებით დათბება და ჰაერის ტემპერატურა ღამით +1, +3, ხოლო დღისით +10, +12 გრადუსამდე მოიმატებს.
______________
ფოტო „ბათუმელების“ არქივიდან