ამერიკულმა გამოცემამ The New York Times-მა სატელიტურ ფოტოები გამოაქვეყნა, რომელზეც ჩანს, რომ კრასნოდარში, სამხედრო დაჯგუფება „ვაგნერის“ ბაზის მახლობლად არსებული სასაფლაო ბოლო ორი თვის განმავლობაში თითქმის შვიდჯერ გაიზარდა.
„ნიუ იორკ თაიმსმა“ სასაფლაოზე 170 საფლავი დათვალა. გამოცემა აღნიშნავს, რომ როგორც ჩანს, ამ სასაფლაოზე მხოლოდ ის „ვაგნერელები“ არიან დაკრძალული, რომელთა ცხედრები ნათესავებმა და მეგობრებმა არ წაიღეს – სექტემბერში გამოქვეყნებულ ვიდეოში „ვაგნერის“ დამფუძნებელმა ევგენი პრიგოჟინმა, რომელიც კოლონიაში პატიმრებს იწვევდა, თქვა, რომ ბაზის მახლობლად დაკრძალავენ მათ, ვინც “არ იციან, სად უნდათ იყვნენ დაკრძალული”.
საფლავების გარდა, New York Times-მა პრიგოჟინთან ერთად ერთ-ერთ ვიდეოში ბაზის მახლობლად მდებარე სამლოცველოში დაითვალა 21 კედელი კრემაციის შემდგომ ფერფლის ურნების განსათავსებლად, თითო კედელზე 42 ნიშაა.
გამოცემა ვარაუდობს, რომ „ვაგნერის“ ასობით დაღუპული მებრძოლი ან დაკრძალულია იქ, ან ფორმით მიაგებენ გარდაცვლილებს პატივს. უცნობია ყველა მათგანია მოკლულია თუ არა უკრაინაში თუ სადმე სხვაგან, მაგრამ ვიდეო ნებისმიერ შემთხვევაში აჩვენებს „ვაგნერის“ დანაკარგების მასშტაბს – წერს გამოცემა.
