ფინანსთა სამინისტროს შემოსავლების სამსახურის ინფორმაციით, 2023 წლის 3 იანვრიდან 6 იანვრის ჩათვლით დღეებში გაფორმების ეკონომიკური ზონები, საბაჟო გამშვები პუნქტები, ასევე გაფორმების განყოფილებები და საბაჟო ღირებულებისა და საქონლის კლასიფიკაციის სამმართველო ჩვეულ რეჟიმში გააგრძელებენ საქმიანობას.
„ამ დღეებში სამუშაო დროს გაწეული მომსახურებისთვის საქართველოს მთავრობის დადგენილებით განსაზღვრული ტარიფების გაორმაგება არ მოხდება.
2023 წლის 3 იანვრიდან 6 იანვრის ჩათვლით პერიოდში, საქართველოს მასშტაბით არ იმუშავებენ ფინანსთა სამინისტროს შემოსავლების სამსახურის მომსახურების დეპარტამენტის სერვისცენტრები. გთხოვთ, აღნიშნული გაითვალისწინოთ სერვისებით (მ.შ. ელექტრონული) სარგებლობისას.“ – აცხადებს შემოსავლების სამსახური.
ამასთან, 2023 წლის 3 იანვრიდან 6 იანვრის ჩათვლით, სასურველი ინფორმაციის მისაღებად, დაინტერესებულ პირს შეუძლია 09:00 საათიდან – 18:00 საათამდე, დაუკავშირდეს საინფორმაციო საკონსულტაციო ცენტრს – 2 299 299 ან ისარგებლოს RS ჩათის მეშვეობით, ან მისწეროს სამსახურს ელექტრონული ფოსტის მისამართზე: info@rs.ge.
—
საქართველოს მთავრობის დადგენილებით, საქართველოს ზოგადი ადმინისტრაციული კოდექსით განსაზღვრულ ადმინისტრაციულ ორგანოებში დასაქმებულთათვის 2023 წლის 3 იანვრიდან 6 იანვრის ჩათვლით უქმე დღეებად გამოცხადდა.
ამავე თემაზე:
