მთავარი,სიახლეები

ბუდანოვის თქმით, ომი უკრაინაში ჩიხში შევიდა

29.12.2022 • 1265
ბუდანოვის თქმით, ომი უკრაინაში ჩიხში შევიდა

უკრაინაში მიმდინარე ომი „პატის მდგომარეობაშია“ [პატი – მდგომარეობა ჭადრაკის თამაშში, როდესაც მოთამაშეს არ შეუძლია მორიგი სვლის გაკეთება ისე, რომ მის მეფეს არ შეექმნას ქიშის საფრთხე (ითვლება ყაიმად], ვინაიდან არც ერთ მხარეს არ ძალუძს მნიშვნელოვანი წინსვლა, განუცხადა უკრაინის სამხედრო დაზვერვის ხელმძღვანელმა, კირილ ბუდანოვმა „ბი-ბი-სის“.

მისი თქმით, რუსეთს მნიშვნელოვანი დანაკარგები აქვს და მალე მობილიზაციის მორიგ ტალღას დაიწყებს, მაგრამ ამავე დროს, უკრაინას არ გააჩნია რესურსები რამდენიმე ფრონტზე წინსვლისთვის.

„არ შეგვიძლია ყველა მიმართულებაზე მათი დამარცხება. ეს არც მათ შეუძლიათ. ველით ახალ და უფრო დახვეწილ იარაღს“, – აღნიშნა მან.

ბუდანოვმა ასევე აღნიშნა, რომ ვარაუდები ბელარუსის ომში ჩართვასა და კიევის მიმართულებით ახალ იერიშზე, მცდელობაა უკრაინამ ჩრდილოეთით გადაისროლოს ძალები, რომლებიც სამხრეთსა და აღმოსავლეთში იბრძვიან. მან ხაზი გაუსვა, რომ ამ ეტაპზე ბელარუსიდან შემოჭრის საფრთხე არ არსებობს.

მიუხედავად ამჟამინდელი მდგომარეობისა, ბუდანოვი დარწმუნებულია, რომ უკრაინა მთლიანად დაიბრუნებს ოკუპირებულ ტერიტორიებს, მათ შორის, ყირიმს და დაუბრუნდება 1991 წლის საზღვრებს.

გადაბეჭდვის წესი


ასევე: