სატრანსპორტო საშუალების განმეორებითი ინსპექტირება 2023 წლის პირველი თებერვლიდან ფასიანი იქნება.
დადგენილი წესის მიხედვით, სატრანსპორტო საშუალების განმეორებით ინსპექტირებაზე წარდგენა უნდა მოხდეს პერიოდული ტექნიკური ინსპექტირების დროს ხარვეზ[ებ]ის გამოვლენიდან 30 კალენდარული დღის განმავლობაში, ამ ვადაში განმეორებითი ინსპექტირების განუხორციელებლობის შემთხვევაში კი, უნდა ჩატარდეს ხელახალი პერიოდული ტექნიკური ინსპექტირება.
დღეს მოქმედი რეგულაციით, სატრანსპორტო საშუალების განმეორებითი ინსპექტირება იმავე ინსპექტირების ცენტრში, რომელშიც ჩატარდა წინარე ინსპექტირება, თავისუფლდება მომსახურების საფასურისაგან [2023 წლის პირველ თებერვლამდე].
სატრანსპორტო საშუალების განმეორებითი ინსპექტირებისას ხორციელდება სატრანსპორტო საშუალების მხოლოდ ვიზუალური და ინსპექტირების ანგარიშში აღნიშნული იმ პოზიციების შემოწმება, რომლებიც არ აკმაყოფილებენ დადგენილ კრიტერიუმებს.
საქართველოს მთავრობამ სატრანსპორტო საშუალებების განმეორებითი ინსპექტირების საფასურებიც დაამტკიცა – სატრანსპორტო საშუალებების კატეგორიისა და დანიშნულების მიხედვით.
ამასთან, M1 კატეგორიის ავტოსატრანსპორტო საშუალებებისათვის, რომლებიც აღჭურვილნი არიან მხოლოდ ელექტროძრავით, პერიოდული ტექნიკური ინსპექტირების საფასური განსხვავებულია და 2023 წლის პირველი თებერვლიდან განისაზღვრება 48 ლარით, ხოლო განმეორებითი ინსპექტირების საფასური განისაზღვრება 15 ლარით.
სატრანსპორტო საშუალებების პერიოდული ტექნიკური ინსპექტირების [მათ შორის, განმეორებითი ინსპექტირების] პერიოდულობა და საფასურები მათი კატეგორიისა და დანიშნულების მიხედვით [ამოქმედდება 2023 წლის 1-ლი თებერვლიდან]:
ამავე თემაზე:
დაჯარიმდებით თუ ავტომანქანას დროულად არ განაბაჟებთ ან ნაწილებად გაყიდით
