გემის ბორტიდან გადავარდნილმა კაცმა 15 საათზე მეტხანს იცურა და გადარჩა

28 წლის კაცი დასთან ერთად საკრუიზო ლაინერით Carnival Valor რიო დე ჟანეიროს დობლესტის კარნავალზე მიემგზავრებოდა. დის მონათხრობის მიხედვით, ის საპირფარეშოში გავიდა და უკან აღარ დაბრუნებულა. მომხდარის შესახებ დაკარგული მგზავრის დამ ეკიპაჟს შეატყობინა. შემთხვევა გასულ კვირას მოხდა.

ლაინერი უკან დაბრუნდა დაკარგული მგზავრის მოსაძებნად, თუმცა გემის უსაფრთხოების სამსახურის თანამშრომლებმა მგზავრი ვერ იპოვეს.

უშედეგოდ ძებნის შემდეგ მგზავრის დაკარგვის შესახებ სანაპირო დაცვის სამსახურს აცნობეს, რის შემდეგაც საჰაერო და საზღვაო ეკიპაჟების ჯგუფებმა დაიწყეს დაკარგული კაცის ძებნა. გარდა ამისა, მექსიკის ყურეში მცურავ ყველა გემს შეატყობინეს, რომ განგაში იყო გამოცხადებული და კაცს ეძებდნენ.

ყურეში მცურავი გემების ეკიპაჟების ინფორმირებას გადამწყვეტი მნიშვნელობა ჰქონდა, რადგან სამძებრო-სამაშველო კატერებს შეუძლებელია დაეფარათ საჭირო დროში მექსიკის ყურის ყველა ნაწილი.

დაკარგული კაცი ხომალდ „კრინისის“ ეკიპაჟმა შენიშნა 20 მილის მოშორებით, ლუიზიანას სანაპიროს სიახლოვეს. ამის შემდეგ ახალი ორლეანიდან სანაპირო დაცვის ვერტმფრენი გაფრინდა ეკიპაჟის მიერ მითითებულ ადგილზე.

კაცი იპოვეს და ვერტმფრენის ბორტზე აიყვანეს, ის კონტაქტური იყო და საკუთარი სახელი და გვარიც დაასახელა, დაადასტურა, რომ ნამდვილად ის მგზავრი იყო, ვინც საკრუიზო ლაინერის ბორტიდან გადავარდა. კაცს გადაცივებისა და შოკის ნიშნები ჰქონდა, თუმცა შეეძლო სიარული და საუბარი.

გადარჩენილი მგზავრი ახალი ორლეანის საავადმყოფოში გადაიყვანეს. ექიმების განცხადებით მისი მდგომარეობა სტაბილურია.