ბათუმში, ალექსანდრე ჩხაიძის ქუჩაზე დღეს, 23 ნოემბერს, საღამოს, სასწრაფო დახმარების სამსახური და საპატრულო პოლიცია იმყოფებოდა.
პირველადი ინფორმაციით, ქუჩაში მყოფმა კაცმა, რომელიც ბენზინს ასხამდა მანქანაში, სიგარეტს მოუკიდა და ცეცხლი წაეკიდა. სავარაუდოდ, მას საწვავი ხელზე ჰქონდა გადასხმული. ავტომანქანას ცეცხლი არ გასჩენია.
იგი სასწრაფო სამედიცინო სამსახურმა გადაიყვანა, სადაც „ბათუმელებს“ დაუდასტურეს, რომ შემთხვევის ადგილიდან 30 წლამდე კაცი გადაიყვანეს.
კაცს, პირველადი დათვალიერებით, შესაძლოა მეორე ხარისხის დამწვრობა აღენიშნებოდეს. იგი რესპუბლიკურ საავადმყოფოშია გადაყვანილი. დაშავებული კონტაქტური იყო გადაყვანისას.
