Batumelebi | „წიგნის კუთხე“ – ფინალში ბათუმის #2 და #10 საჯარო სკოლები შეხვდებიან [ვიდეო] „წიგნის კუთხე“ – ფინალში ბათუმის #2 და #10 საჯარო სკოლები შეხვდებიან [ვიდეო] – Batumelebi
RU | GE  

„წიგნის კუთხე“ – ფინალში ბათუმის #2 და #10 საჯარო სკოლები შეხვდებიან [ვიდეო]

ინტელექტუალური კონკურსის – „წიგნის კუთხე“ ფინალისტი გუნდები გამოვლინდნენ.

ნახევარფინალური თამაშები 7-8 მაისს გაიმართა. ნახევარფინალების ლიტერატურულ ნაწარმოებთა სია ასე გამოიყურება:

  • ჰომეროსი – „ოდისეა“;
  • გურამ დოჩანაშვილი – „კაცი რომელსაც ლიტერატურა ძლიერ უყვარდა“;
  • ფიოდორ დოსტოევსკი – „დანაშაული და სასჯელი“;
  • სტივენ კინგი – „მწვანე გზა“; 
  • ჯეკ ლონდონი – „მარტინ იდენი“.

პირველ ნახევარფინალურ თამაშში ერთმანეთს დაუპირისპირდნენ ბათუმის #20 [სალომე ციმნარიძე, ნათია ბასილაძე, ანა აბაშიძე] და #2 [ანა გათენაძე; ირაკლი ხუხუნაიშვილი; სესილი მეტრეველი] საჯარო სკოლების გუნდები. თამაშის შედეგებით ფინალში გადავიდა ბათუმის მე-2 საჯარო სკოლა, ანგარიშით 10:7.

მეორე ნახევარფნალურ თამაშში ერთმანეთს შეხვდნენ: სკოლა „ევრო 2000“ [ანა აბუსელიძე; ანი ტუღუში; მარიამ დოლიძე] და ბათუმის #10 [მაკა ვაშაკიძე; მეგი ქამაშიძე; ნინო ჭაღალიძე] საჯარო სკოლა. საბოლოო შედეგებით, ანგარიშით – 14:6 ფინალურ ეტაპზე გადავიდა ბათუმის მე-10 საჯარო სკოლა.

ფინალისტი გუნდების წევრებს ორი კვირა აქვთ, რომ გასული თამაშების განმავლობაში დაგროვებული ლიტერატურული ნაწარმოებები კიდევ ერთხელ გადაიკითხონ და მოემზადონ ფინალისათვის. ფინალური თამაშის ფორმატი განსხვავებული იქნება; თამაშში იქნება 7 ძირითადი შეკითხვა, ბლიც-კითხვები იქნება ყველა გავლილი ნაწარმოებიდან და ბლიცის დრო 45-დან 60 წამამდე გაიზრდება. ამჯერად მონაწილეებმა არ იციან, თუ კონკრეტულად რომელი 7 ლიტერატურული ნაწარმოების ირგვლივ დაისმება ძირითადი შეკითხვები.

15 ლიტერატურული ნაწარმოები, რომელთაგანაც 7 ნაწარმოები ფინალური ეტაპის ძირითად შეკითხვებში მოხვდება. 

  1. ევრიპიდე – „მედეა“;
  2. ოსკარ უაილდი – „დორიან გრეის პორტრეტი“;
  3. დენიელ კიზი – „ყვავილები ელჯერნონისთვის“;
  4. ვაჟა-ფშაველა – „ალუდა ქეთელაური“;
  5. ერნესტ ჰემინგუეი – „მოხუცი და ზღვა“;
  6. ჯორჯ ორუელი – „1984“;
  7. უილიამ შექსპირი – „ჰამლეტი“;
  8. ენტონი ბერჯესი – „მექანიკური ფორთოხალი“
  9. ანტუან დე სენტ ეკზიუპერი – „პატარა პრინცი“;
  10. ალბერტ კამიუ – „უცხო“;
  11. ილია ჭავჭავაძე – „კაცია ადამიანი?!“;
  12. ვირჯინია ვულფი – „საკუთარი ოთახი“;
  13. გაბრიელ გარსია მარკესი – „მარტოობის ასი წელიწადი“;
  14. ჰომეროსი – „ოდისეა“;
  15. სტივენ კინგი – „მწვანე გზა“. 

20 ლიტერატურული ნაწარმოები, რომელთა შესახებაც ფინალურ თამაშში ბლიც-კითხვები დაისმება: 

  1. ნოდარ დუმბაძე – „მე, ბებია, ილიკო და ილარიონი“;
  2. „ანა ფრანკის დღიური“;
  3. ორჰან ფამუქი – “თოვლი”;
  4. ალექსანდრე დიუმა – “კავკასია”;
  5. პროსპერ მერიმე – “მათეო ფალკონე”;
  6. რეი ბრედბერი – „451 ფარენჰეიტით“;
  7. ჯემალ ქარჩხაძე – „ოპერაცია დეიდა ტასო“;
  8. ფრედერიკ ბეგბედერი – „99 ფრანკი“;
  9. სოფოკლე – „ოიდიპოს მეფე“;
  10. ალექსანდრე ყაზბეგი – „ხევისბერი გოჩა“;
  11. ჩარლზ დიკენსი – „ოლივერ ტვისტი“;
  12. კონსტანტინე გამსახურდია – „მთვარის მოტაცება“;
  13. რიუნოსკე აკუტაგავა – „წყლის კაცების ქვეყანაში“;
  14. ჰერბერტ უელსი – „უჩინარი კაცი“;
  15. მიხეილ ბულგაკოვი – „ოსტატი და მარგარიტა“;
  16. რიჩარდ ბახი – „თოლია ჯონათან ლივინგსტონი“;
  17. ბერტოლტ ბრეხტი – „კავკასიური ცარცის წრე“;
  18. ჰომეროსი – „ოდისეა“;
  19. დოჩანაშვილი – „კაცი რომელსაც ლიტერატურა ძლიერ უყვარდა“;
  20. ჯეკ ლონდონი – „მარტინ იდენი“.

ფინალი 22 მაისს გაიმართება.

„წიგნის კუთხე“ წარმოადგენს ლიტერატურული კონკურსის ფორმატის ინტერნეტ გადაცემას, რომელსაც გაზეთ „ბათუმელებთან“ არსებული სტუდია „მედიალაბორატორია” საცდელ რეჟიმში ახორციელებს ბათუმში.

პროექტის ფარგლებში ბათუმის რვა კერძო და რვა საჯარო სკოლის მოსწავლეები იღებენ მონაწილეობას, სულ 16 გუნდი.  გამარჯვებული გუნდები დასაჩუქრდებიან სიგელებითა და ფასიანი საჩუქრებით.

ამავე თემაზე იხილეთ:

„წიგნის კუთხეს“ პირველი და მეორე მერვედფინალური თამაში.

„წიგნის კუთხე“ – III და IV მერვედფინალური თამაშები

„წიგნის კუთხე“ – V და VI მერვედფინალური თამაშები

„წიგნის კუთხე“ – მერვედფინალური ეტაპის ბოლო თამაშები

„წიგნის კუთხე“ – მეოთხედფინალის I-II თამაში

„წიგნის კუთხე“ – ნახევაფინალში მონაწილე სკოლები გამოვლენილია

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან