Batumelebi | „წიგნის კუთხე“ – V და VI მერვედფინალური თამაშები „წიგნის კუთხე“ – V და VI მერვედფინალური თამაშები – Batumelebi
RU | GE  

„წიგნის კუთხე“ – V და VI მერვედფინალური თამაშები

10 აპრილს, ბათუმის საჯარო ბიბლიოთეკის ამერიკულ კუთხეში გაიმართა ლიტერალურული კონკურსის – „წიგნის კუთხე“ მეხუთე და მეექვსე მერვედფინალური თამაშები. აღნიშნულ თამაშზე გუნდები თამაშობდნენ შემდეგი ხუთი ძირითადი წიგნის ირგვლივ:

  • რეი ბრედბერი – „451 ფარენჰეიტით “
  • ჯორჯ ორუელი – „1984“
  • ჯემალ ქარჩხაძე – „ოპერაცია დეიდა ტასო“;
  • შექსპირი – „ჰამლეტი“
  • ფრედერიკ ბეგბედერი – „99 ფრანკი“

მეხუთე მერვედფინალური თამაში გაიმართა სკოლა „იმედისა“ [ალეკო ბერიძე; სერგი მახარაძე; ანა დიასამიძე] და ბათუმის №16 [ელისაბედ მამულაძე; ანი ხურცილავა; ანა ბოლქვაძე] საჯარო სკოლის გუნდებს შორის. მეოთხედფინალურ ეტაპზე გადავიდა სკოლა „იმედი“ ანგარიშით – 10:6.

ბათუმის №10 [მაკა ვაშაკიძე; მეგი ქამაშიძე; ნინო ჭაღალიძე] და №1 [ნინო კუტუბიძე; გურანდა ოსიძე; თამარ თევზაძე] საჯაროს სკოლები დაუპირისპირდნენ ერთმანეთს მეექვსე მერვედფინალურ თამაშში. ანგარიშით 14:9, შემდეგ ეტაპზე გადავიდა ბათუმის №10 საჯარო სკოლა.

„წიგნის კუთხე“ წარმოადგენს ლიტერატურული კონკურსის ფორმატის ინტერნეტ გადაცემას, რომელსაც გაზეთ „ბათუმელებთან“ არსებული სტუდია „მედიალაბორატორია” საცდელ რეჟიმში ახორციელებს ბათუმში.

პროექტის ფარგლებში ბათუმის რვა კერძო და რვა საჯარო სკოლის მოსწავლეები იღებენ მონაწილეობას, სულ 16 გუნდი. გადაცემა კიდევ ექვსი კვირის განმავლობაში გაგრძელდება, გამარჯვებული გუნდები კი დასაჩუქრდებიან სიგელებითა და ფასიანი საჩუქრებით.

ამავე თემაზე იხილეთ:

„წიგნის კუთხეს“ პირველი და მეორე მერვედფინალური თამაში.

„წიგნის კუთხე“ – III და IV მერვედფინალური თამაშები

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან