თურქეთი პირველად ჩაატარებს მიწისძვრის საწინააღმდეგო სწავლებას ქვეყნის მასშტაბით ერთდროულად 81 პროვინციაში.
თურქული მედიის ცნობით, სწავლება შაბათს, 12 ნოემბერს, 18:57 საათზე გაიმართება. სწორედ ამ დღეს, 1999 წელს, თურქეთში დამანგრეველი მიწისძვრა მოხდა, რომელმაც ასობით ადამიანის სიცოცხლე შეიწირა. განცხადებები გაკეთდება ტელევიზიისა და რადიოსადგურების საშუალებით მთელი ქვეყნის მასშტაბით, კატასტროფის ავტომატიზებული გაფრთხილების საშუალებით.
თურქეთის შს მინისტრმა სოილუმ აღნიშნა, რომ ეს იქნება მილიონობით ადამიანისთვის მარტივი სავარჯიშოები, რაც მოიცავს მიწისძვრის მომენტში გადარჩენის სამ ძირითად წესს: ვარდნას თავის შეფარებასა და გაძლებას.
თურქეთი, განსაკუთრებით დიდი ქალაქები დასავლეთ მხარეს, მიწისძვრის მუდმივი საფრთხის ქვეშაა, მთელი ქვეყნის მასშტაბით არსებული რღვევის ხაზების გამო. თურქული გამოცემა „დეილი საბაჰის“ ცნობით, თურქეთში 2021 წელს სულ 23 753 სხვადასხვა სიმძლავრის მიწისძვრა დაფიქსირდა.
თურქეთის ხელისუფლება მუშაობს ქვეყნის მასშტაბით კატასტროფების საწინააღმდეგო ადრეული გაფრთხილების სისტემის შექმნაზე. ცოტა ხნის წინ თურქეთის კატასტროფებისა და საგანგებო სიტუაციების მართვის სამსახურმა (AFAD) მოსახლეობას მობილურ ტელეფონებზე გაუგზავნა გაფრთხილება მარმარილოსა და შავი ზღვის რეგიონებში შესაძლო საფრთხის შესახებ ძლიერი წვიმის წინ.
_____________________________
მთავარ ფოტოზე: მოსწავლეები მიწისძვრის საწინააღმდეგო წვრთნებზე კარაბუკში, ჩრდილოეთ თურქეთში. ფოტო: İHA
