ნეტგაზეთი • RU

“სიმართლე ჩვენს მხარესაა” – პუტინმა წითელ მოედანზე შეკრებილებს მიმართა

რუსეთის ფედერაციის პრეზიდენტმა, ვლადიმერ პუტინმა, უკრაინის კიდევ ოთხი რეგიონის ანექსიის ოფიციალურად გამოცხადების შემდეგ, მოსკოვში, წითელ მოედანზე საზეიმოდ შეკრებილ ათასობით ადამიანს სიტყვით მიმართა. მისი თქმით, რუსეთი ყველაფერს გააკეთებს აღნიშნულ რეგიონებში უსაფრთხოების დონის გასაძლიერებლად.

„ძვირფასო მეგობრებო, ჩვენ გავაკეთებთ ყველაფერს რათა მხარი დავუჭიროთ ჩვენს ძმებსა და დებს ზაპოროჟიესა და ხერსონში, დონეცკსა და ლუგანსკში.

ჩვენ გავაკეთებთ ყველაფერს, რათა გავზარდოთ უსაფრთხოების დონე ამ ტერიტორიებზე ამ ხალხისთვის.

ჩვენ გავაკეთებთ ყველაფერს ეკონომიკისა და ინფრასტრუქტურის აღსადგენად, ავაშენებთ სკოლებს, ახალ ინსტიტუტებს, საავადმყოფოებს.

ჩვენ უფრო ძლიერები გავხდით, რადგან ერთად ვართ. სიმართლე ჩვენს მხარესაა და სიმართლე ნიშნავს ძალას. ნიშნავს გამარჯვებას. გამარჯვება ჩვენი იქნება“, – თქვა ვლადიმერ პუტინმა სიტყვით გამოსვლისას.

ანექსიის დოკუმენტი უკვე დუმას გადაეცა ხელმოსაწერად.

ე.წ. რეფერენდუმებს, რომლებიც აღნიშნულ რეგიონებში რუსეთის მხარდაჭერილმა სეპარატისტულმა ძალებმა ჩაატარეს, არ ცნობს ოფიციალური კიევი და საერთაშორისო საზოგადოება.

_____________________

ფოტო:

ამავე თემაზე: 

ჩვენ მზად ვართ რუსეთთან დიალოგისთვის, მაგრამ რუსეთის სხვა პრეზიდენტთან – ზელენსკის 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან