მთავარი,სიახლეები

აგვისტოში საქართველოში 912 ათასი მოგზაური იყო, მათ შორის ყველაზე მეტი – რუსეთიდან

10.09.2022 • 2088
აგვისტოში საქართველოში 912 ათასი მოგზაური იყო, მათ შორის ყველაზე მეტი – რუსეთიდან

ტურიზმის ეროვნული ადმინისტრაციის ინფორმაციით, აგვისტოში საქართველოში 912 041 საერთაშორისო მოგზაური იმყოფებოდა.

ადმინისტრაცია შედარებას აკეთებს გასული წლის ამავე პერიოდთან და აცხადებს, რომ წინა წელთან შედარებით საერთაშორისო მოგზაურთა ვიზიტები 195.5 პროცენტითაა გაზრდილი.

რაც შეეხება პანდემიამდელ პერიოდს, 2019 წლის აგვისტოს მონაცემებს თუ შევადარებთ, ტურიზმის ეროვნული ადმინისტრაციის ცნობით, საერთაშორისო მოგზაურთა ვიზიტების აღდგენის მაჩვენებელი 67.1 %-ია.

ამავე წყაროს ინფორმაციით, მიმდინარე წლის აგვისტოში საქართველოში 582 995 საერთაშორისო ტურისტული ვიზიტი შედგა, რაც 2021 წლის ანალოგიურ პერიოდთან შედარებით +135.8%-ით მეტია.

საზღვრის კვეთის მონაცემებით მიხედვით, ამ პერიოდში საქართველოში ყველაზე მეტი – 260 810 რუსეთის მოქალაქე იყო შემოსული, 178 483 – სომხეთის მოქალაქე, ხოლო მესამე ადგილზეა თურქეთი – 116 882 მოქალაქე.

ევროკავშირის ქვეყნებიდან აგვისტოში საქართველოს საზღვარი 46 790 ადამიანმა გადმოკვეთა.

გადაბეჭდვის წესი


ასევე: