რუსეთის პრეზიდენტმა უკრაინაში შეჭრას „მოწინააღმდეგის ქმედებებზე სარკისებრი რეაქცია“ უწოდა და განაცხადა, რომ უკრაინაში ომის შედეგად რუსეთს არაფერი დაუკარგავს, დასავლური სამყაროსგან პოლარიზება კი, პირიქით, რუსეთისთვის სასიკეთოცაა.
„ვფიქრობ, ჩვენ არაფერი დაგვიკარგავს და არც არაფერს დავკარგავთ. მთავარი, რაც მოვიპოვეთ – ჩვენი სუვერენიტეტის გაძლიერებაა და ეს გარდაუვალი შედეგია იმისა, რაც დღეს ხდება. კი არის გარკვეული პოლარიზაცია, როგორც მსოფლიოში, ისე ქვეყნის შიგნითაც, მაგრამ მიმაჩნია, რომ ეს სასიკეთოცაა, რადგან ყველაფერი, რაც ზედმეტი და ცუდია ჩამოგვშორდება და უფრო სწრაფი ტემპით განვვითარდებით,“ – განაცხადა პუტინმა აღმოსავლეთის ეკონომიკური ფორუმი პლენარულ სხდომაზე გამოსვლისას.
მისი თქმით, რუსეთს ომი არ დაუწყია, ის მის დასრულებას ცდილობს. პუტინმა 2014 წლის დონბასის ომიც გაიხსენა და დასძინა, რომ მაშინ რუსეთმა განზრახულად დაიწყო საბრძოლო მოქმედებები, რათა იქაური ხალხი დაეცვა, მათი გენოციდი დაესრულებინა და ეს „მოწინააღმდეგის ქმედებებზე სარკისებრი რეაქცია“ იყო.
უკრაინის გენშტაბის მონაცემებით, რუსეთის დანაკარგი უკრაინასთან ომში 50 610 ჯარისკაცი და ათასობით ერთეული სამხედრო ტექნიკაა.
