კომპანია Tav Georgia-ს ინფორმაციით, ბათუმის მიმართულებით 28 აგვისტოდან ირანული ავიაკომპანია Pars Air-ი იფრენს.
ირანული ავიაკომპანია პირდაპირ საჰაერო რეისებს შეასრულებს კვირაში ერთხელ ბათუმი-რეშთი-ბათუმის მიმართულებით.
TAV Georgia-ში აცხადებენ, რომ რეისები შესრულდება ყოველ კვირა დღეს, CRJ 200 ტიპის საჰაერო ხომალდით.
„ეს იქნება რეგულარული ჩარტერული რეისები, ბილეთები სავარაუდოდ ჰიბრიდულად გაიყიდება, ტურისტული სააგენტოც გაყიდის და ავიაკომპანიაც,“ – აცხადებენ TAV Georgia-ს პრესსამსახურში.
ირანში ბევრი პირდაპირი რეისი სრულდება როგორც ბათუმის, ასევე თბილისის აეროპორტიდან. რეშთი კი ირანის კიდევ ერთი ქალაქია, სადაც ბათუმიდან პირდაპირი ავიარეისი დაინიშნება.
ბათუმის აეროპორტში 21 ავიაკომპანია 17 მიმართულებით დაფრინავს – „ტავ ჯორჯია“
