დღეს, 24 ივლისს, ქობულეთში ახალი ბულვარი გახსნეს. ქობულეთში ახალი ბულვარი გახსნეს 2021 წლის ივლისშიც, თუმცა ქობულეთის მერიის პრესცენტრში განმარტავენ, რომ ბულვარი ამჯერად ახალ მიმართულებაზე მოეწყო და ძველი ბულვარი დაახლოებით ერთი კილომეტრით გაგრძელდა.
ქობულეთის მერიის ინფორმაციით, ბულვარი [მდინარე აჭყვადან მდინარე კინტრიშამდე მდებარე 1 კმ-მდე სიგრძის სანაპირო ზოლზე] მოეწყო პროგრამის ფარგლებში – „განახლებული რეგიონები“ და ბიუჯეტიდან 8 მილიონ 100 ათასი ლარი დაიხარჯა.
„ბულვარის მთელ სიგრძეზე აშენდა გამყოფი კედელი, ველო ბილიკი და საფეხმავლო ბილიკი. საფეხმავლო ბილიკის მიმდებარედ მოეწყო რეკრეაციული და კომერციული ზონები. საბავშვო-გასართობ სივრცეებში დაიდგა ატრაქციონები, ხოლო სპორტულ ზონაში მოეწყო ქვიშის ფრენბურთისა და ქვიშის ფეხბურთის მოედნები. ახალ ბულვარში აშენდა ადაპტირებული სანიტარული კვანძები, ძველ ბულვართან დასაკავშირებლად კი, აშენდა საფეხმავლო ხიდი,“ – აღნიშნულია ქობულეთის მერიის მიერ გავრცელებულ ინფორმაციაში.
ქობულეთის ახალი ბულვარი, ფოტო ქობულეთის მერიის ფეისბუქგვერდიდან
პროგრამის – „განახლებული რეგიონები“ ფარგლებში ბათუმში რეაბილიტაციას ჟიული შარტავას გამზირზე მდებარე ხეივანსაც უტარებენ:
