მთავარი,სიახლეები

„სტადიონი“ სტადიონისა და საავადმყოფოს მშენებლობის ზედამხედველებს არჩევს

16.04.2016 • 1999
„სტადიონი“ სტადიონისა და საავადმყოფოს მშენებლობის ზედამხედველებს არჩევს

შპს „სტადიონს“, ბათუმში, ყოფილი მანქანათმშენებელი ქარხნის ტერიტორიაზე სტადიონის სამშენებლო სამუშაოების ტექნიკური ზედამხედველობის მომსახურებისთვის 1 მილიონ 750 ათასი ლარი ჰქომდა გათვალისწინებული. ამ ეტაპზე კომპანია ორი პრეტენდენტიდან ერთის ტექნიკურ ზედამხედველად შერჩევის ეტაპზეა.

ზედამხედველობა „სტადიონს“ შემდეგმა კომპანიებმა შესთავაზა: „უძრავი ქონების ექსპერტი“ – 1,740 მილიონ ლარად, „სონდერს გრუპ“ – 1,590 მილიონად და „Ady Sharristh Engineering Ltd“ – 1,589 მილიონ ლარად [ეს უკანასკნელი სატენდერო კომისიის მიერ დისკვალიფიცირებულია ტექნიკური დოკუმენტაციის გამო]. სტადიონის მშენებლობა ჯერ დაწყებული არ არის.

„სტადიონი“ ბათუმში, რესპუბლიკური საავადმყოფოს ტერიტორიაზე ახალი საავადმყოფოს მშენებლობის ტექნიკურ ზედამხედველსაც ახლა არჩევს, მიუხედავად იმისა, რომ მშენებლობა დაწყებულია.

საავადმყოფოს მშენებლობის ზედამხედველობა „სტადიონს“ ორმა კომპანიამ შესთავაზა: „სონდერს გრუპ“ – 654 ათას 679 ლარად და „უძრავი ქონების ექსპერტი“ – 651 ათას 182 ლარად [აქ სატენდერო კომისიის მიერ დისკვალიფიცირებულია „უძრავი ქონების ექსპერტი“ ტექნიკური დოკუმენტაციის გამო, ხოლო მეორე კომპანიასთან კომისია დოკუმენტაციას ამოწმებს].

შპს „სტადიონს“, რომლის 100% წილის მფლობელი აჭარის ავტონომიური რესპუბლიკაა, ორთავე მშენებლობის ტექნიკური ზედამხედველობის მომსახურების შესასყიდად 2 მილიონ 415 ათას 182 ლარი აქვს გათვალისწინებული. ამ მომსახურებების შესყიდვაზე გამოცხადებული ტენდერები ერთხელ უკვე არ შედგა.

ამავე თემაზე:

პრემიერმა ბათუმში რესპუბლიკური საავადმყოფოს მშენებლობას საფუძველი ჩაუყარა

ბათუმში საფეხბურთო სტადიონი თურქული კომპანიის პროექტით აშენდება

2,4 მილიონი ლარი სტადიონისა და საავადმყოფოს მშენებლობის ზედამხედველობისთვის

გადაბეჭდვის წესი


ასევე: