უკრაინელმა სამხედროებმა რუსეთის შეიარაღებული ძალების პოზიციებს დაარტყეს ზმეინის კუნძულზე, რომელიც რუსეთმა ჯერ კიდევ სრულმასშტაბიანი ომის დასაწყისში დაიკავა.
სააგენტო „უნიანი“ წერს, რომ ოკუპანტებმა სერიოზული დანაკარგი განიცადეს.
„განხორციელდა მიზანმიმართული დარტყმა სხვადასხვა ძალისა და საშუალების გამოყენებით, შედეგად, რაშისტების საამაყო „კუნძულის გარნიზონმა“ სერიოზული დანაკარგი განიცადა. სამხედრო ოპერაცია გრძელდება“, – ნათქვამია ოპერატიული სარდლობა „სამხრეთის“ განცხადებაში.
დღეს, 21 ივნისს, დიდი ბრიტანეთის დაზვერვამ დაადასტურა, რომ 17 ივნისის უკრაინამ რუსეთის საზღვაო ძალების წინააღმდეგ წარმატებით გამოიყენა დასავლეთის მიერ გადაცემული „ჰარპუნის“ ტიპის ხომალდსაწინააღმდეგო რაკეტები.
უწყების ცნობით, სამიზნე იყო რუსული სამხედრო-საზღვაო ბუქსირი „ვასილი ბეხი“, რომელსაც გადაჰქონდა შეიარაღება და გადაჰყავდა პირადი შემადგენლობა ზმეინის კუნძულზე.
მთავარი ფოტო: ზმეინის კუნძული/ფოტო: unian.net
