მთავარი,სიახლეები

სათამაშო ბიზნესიდან 23 მილიონი შევიდა ბათუმის ბიუჯეტში გასულ წელს

16.06.2022 • 1166
სათამაშო ბიზნესიდან 23 მილიონი შევიდა ბათუმის ბიუჯეტში გასულ წელს

სათამაშო ბიზნესიდან 2021 წელს ბათუმის ბიუჯეტში 23 მილიონ 440 ათას 800 ლარი შევიდა. სათამაშო ბიზნესის მოსაკრებელი ბიუჯეტშის ანგარიშში ასახულია „სხვა შემოსვლების“ ნაწლში, რამაც გასულ წელს ჯამში 43 მილიონი ლარი შეადგინა, ანუ „სხვა შემოსვლების “ ნახევარზე მეტი.

სათამაშო ბიზნესის მოსაკრებლის შენატანი ბიუჯეტში ასე გადანაწილდა:

სათამაშო აპარატებიდან – 12 მილიონ 487 ათას 500 ლარი, წამახალისებელი გათამაშებიდან  – 28 ათას 200 ლარი, კლუბის მაგიდიდან – 251 ათას 900 ლარი, სამორინეს მაგიდიდან – 10 მილიონ 663 ათას 400 ლარი.  სხვა დანარჩენი არაკლასიფიცირებული სათამაშო ბიზნესის მოსაკრებელი – 9 ათას 700 ლარი.

ბიუჯეტის ანგარიში მერიამ საკრებულოს განსახილველად წარუდგინა. საკრებულოს სხდომა 17 ივნისს უნდა გაიმართოს.

ამავე თემაზე:

სათამაშო ბიზნესის გაჩერებით ბათუმის ბიუჯეტმა 30,3 მილიონი ლარი დაკარგა

 

გადაბეჭდვის წესი


ასევე: