მთავარი,სიახლეები

გახარიას პარტიიდან წასული დეპუტატი ბათუმის საკრებულოს თავმჯდომარის მოადგილე გახდა

30.05.2022 • 1597
გახარიას პარტიიდან წასული დეპუტატი ბათუმის საკრებულოს თავმჯდომარის მოადგილე გახდა

ირაკლი თავდგირიძე ბათუმის საკრებულოს თავმჯდომარის პირველ მოადგილედ აირჩიეს. ის ბათუმის საკრებულოს წევრი გახდა გახარიას პარტიიდან „საქართველოსთვის“, თუმცა მან პარტია საკრებულოში შესვლის წინ დატოვა და თქვა, რომ „ნაციონალურ მოძრაობასთან“ არ ითანამშრომლებდა.

პარტიიდან ირაკლი თავდგირიძის წასვლის შემდეგ გახარიას გუნდმა განაცხადა, რომ „გასაყიდი უნდა გაიყიდოს“.

ბათუმის საკრებულოს თავმჯდომარის მოადგილის ხელფასი 3400 ლარია.

დღეს, 30 მაისს, ირაკლი თავდგირიძემ საკრებულოს თავმჯდომარის პოზიციაზე „ქართული ოცნების“ კანდიდატს – რამაზ ჯინჭარაძეს დაუჭირა მხარი.

ბათუმის საკრებულოს თავმჯდომარის მოადგილეები ასევე იქნებიან: ნატალია ზოიძე და ზურაბ ნაკაიძე.

2021 წლის 2 ოქტომბრის არჩევნების შემდეგ ბათუმის საკრებულოში თავდაპირველად უმრავლესობა ოპოზიციას ჰქონდა, თუმცა ენმ-ს წევრი ნუგზარ ფუტკარაძე 18 ნოემბერს გარდაიცვალა., გამოძიება დაიწყო ნუგზარ ფუტკარაძის საქმეზე“, თუმცა ამ დრომდე პროკურატურას შედეგი არ დაუდია. ფუტკარაძეს „ნეიტრალურის დაჭერას“ სთხოვდნენ იმ აუდიოჩანაწერის მიხედვით, რომელიც „ნაციონალურმა მოძრაობამ“ ნუგზარ ფუტკარაძის გარდაცვალებიდან რამდენიმე დღეში, 24 ნოემბერს გაავრცელა

_____________________________________

ბათუმის საკრებულოს პირველი სხდომა 2021 წლის 3 დეკემბერს დაიწყო, თუმცა სხდომა ვერ დასრულდა. მიზეზი ამ დრომდე კვორუმის არარსებობა იყო. „ქართულ ოცნებას“ 2 აპრილის არჩევნების შემდეგ უკვე საკმარისი ხმები ჰქონდა, მაგრამ იმისთვის, რომ საკრებულოს ახალი წევრის – რამაზ ჯინჭარაძის უფლებამოსილება ეცნო, კვორუმი უნდა შემდგარიყო, რისთვისაც 18 კაცი იყო საჭირო.

საკანონმდებლო ცვლილების შემდეგ რამაზ ჯინჭარაძის უფლებამოსილებას უკვე ცესკომ ცნო არჩევნების შედეგების საფუძველზე და მას კვორუმი და ოპოზიციის ჩართულობა აღარ დასჭირდა.

2 აპრილის შუალედური არჩევნების შემდეგ ბათუმის საკრებულოს უმრავლესობა „ქართულ ოცნებას“ აქვს. ის საკრებულოში უკვე 17 დეპუტატით არის წარმოდგენილი. 17 დეპუტატი ჰყავს ოპოზიციასაც, თუმცა მე-18 ხმა ირაკლი თავდგირიძეს ეკუთვნის, რომელიც 2021 წლის 2 ოქტომბრის არჩევნებზე გახარიას პოლიტიკური გუნდიდან შევიდა ბათუმის საკრებულოში, თუმცა მალევე განაცხადა, რომ ის „ნაციონალურ მოძრაობას“ მხარს არ დაუჭერს, დატოვა გახარიას პარტია და აცხადებს, რომ დამოუკიდებელი დეპუტატია.

 

გადაბეჭდვის წესი


ასევე: