დღეს 21 მაისს, ბათუმში, ლუკაშენკოს რეჟიმს გამოქცეულმა ბელარუსებმა რეჟიმი გააპროტესტეს. აქციაზე მათ იმ ადამიანების ფოტოები გამოფინეს, რომლებიც ლუკაშენკოს რეჟიმმა იმსხვერპლა.
ბათუმში მცხოვრები ბელარუსების თქმით, ლუკაშენკოს რეჟიმი ათასობით ადამიანს დევნის, აპატიმრებს და კლავს.
ფოტო: ლელა დუმბაძე/ბათუმელები
„ეს ადამიანები ლუკაშენკოს რეჟიმის მსხვერპლები არიან. ზოგი პოლიტპატიმარი ბელარუსიის ციხეში გარდაიცვალა, ზოგი ისევ ციხეშია. ადამიანები, რომლებიც თავისუფლებისთვის იბრძვიან, იდევნებიან. ათასზე მეტი ადამიანია დაკავებული პოლიტიკური ნიშნით. მათ შორის არასრულწლოვნები“-ამბობს ოლგა ბიგელი.
„თავისუფლება პოლიტპატიმრებს“ – საპროტესტო აქცია ბათუმში ლუკაშენკოს რეჟიმის წინააღმდეგ.
ფოტო: ლელა დუმბაძე/ბათუმელები
ბათუმში 4 ათასზე მეტი ბელარუსი ცხოვრობს, რომლებიც ლუკაშენკოს რეჟიმს გამოექცნენ.
ვიდეო საპროტესტო აქციიდან:
