დღეს, 12 მაისს, 19 საათზე, ბათუმის დრამატულ თეატრში გაიმართება სპექტაკლი „სამი და“.
პიესის ავტორია მარიამ მეღვინეთუხუცესი, რეჟისორი – სანდრო კალანდაძე, მონაწილეობენ: ნატალია გაბისონია, ანანო მახარაძე, ანასტასია ჭანტურაია, გიორგი რაზმაძე, გიორგი შარვაშიძე და ბექა ხაჩიძე.
სპექტაკლზე დასწრება თავისუფალია, თუმცა ადგილების რაოდენობა შეზღუდულია. უფასო ბილეთის აღება შესაძლებელი იქნება სალაროში.
„სპექტაკლის დასრულების შემდეგ გაიმართება კითხვა-პასუხის სესია თეატრის დასთან, რომელზეც შესაძლებლობა გვექნება ერთად ვიმსჯელოთ სპექტაკლში გაჟღერებული თემების გარშემო“ – აღნიშნულია ღონისძიების გვერდზე, ფეისბუქზე.
პროექტი ხორციელდება ჰაინრიხ ბიოლის ფონდის თბილისის ოფისის მხარდაჭერით.
______________
ფოტოზე: სცენა სპექტაკლიდან „სამი და“.
ფოტო: ბექა ცირეკიძე/tbilisiinternational.com/ge
