ბათუმის ბულვარის ადმინისტრაციამ, მოახლოებულ საკურორტო სეზონთან დაკავშირებით, ბულვარში სეზონური საქმიანობისთვის რამდენიმე მცირე ზომის ნაკვეთის გასასხვისებლად ელექტრონული აუქციონი გამოაცხადა.
შოურუმების, იგივე საინფორმაციო ცენტრების მოსაწყობად, ბულვარმა ოთხ ადგილას – სასტუმრო „ჰილტონის“ მიმდებარედ, კობალაძისა და მელიქიშვილის ქუჩის გასწვრივ, ასევე, ეგრეთ წოდებულ ეშმაკის ბორბალთან, 20 -20 კვ.მეტრი ფართობი გამოიტანა გასასხვისებლად.
აუქციონებში გამარჯვებულებს საიჯარო ხელშეკრულებები 2023 წლის პირველ იანვრამდე გაუფორმდებათ.
ბულვარის ადმინისტრაციამ აუქციონზე გასასხვისებლად, ასევე, ახალ ბულვარში არსებული საპირფარეშოც გაიტანა.