ნეტგაზეთი • RU

„ბუჩას მერიამ მშენებლობაზე ნებართვა მოგვცა“ – საბავშვო ბაღი ქართველი ხალხის სახელით

„ბუჩას მერიამ მშენებლობის ნებართვა ოფიციალურად მოგვცა,“ – ამბობს სამოქალაქო აქტივისტი გიგა მაქარაშვილი. ის უკრაინის ქალაქ ბუჩაში ქართველი ხალხის სახელით საბავშვო ბაღის აშენების ორგანიზებას აპირებს.

„ფინანსების მობილიზებას დავიწყებთ მხოლოდ მას შემდეგ, რაც ზუსტი ბიუჯეტი გვეცოდინება. თანხა სპეციალური ფონდის საშუალებით შეგროვდება,“ – ამბობს გიგა მაქარაშვილი. მისივე თქმით, ამ ეტაპზე ჯგუფი მუშაობს ბიუჯეტის შედგენაზე, რაც საბავშვო ბაღის მშენებლობას დასჭირდება.

უკრაინის ხელისუფლების ინფორმაციით, ბუჩაში რუსეთის ძალებმა 300-ზე მეტი ადამიანი მოკლეს და აწამეს. ქალაქის რუსებისგან გაწმენდის შემდეგ მთელმა მსოფლიომ ნახა ცხედრებით მოფენილი ქუჩები.

ბუჩას საბავშვო ბაღის მაკეტი – ესკიზი მოგვაწოდა გიგა მაქარაშვილმა

ნეტგაზეთის მასალების სხვა გამოცემებში გადაბეჭდვის წესი
ავტორი