Batumelebi | 1,4 მილიონი ლარი მინისტადიონების შესაკეთებლად ბათუმში 1,4 მილიონი ლარი მინისტადიონების შესაკეთებლად ბათუმში – Batumelebi

1,4 მილიონი ლარი მინისტადიონების შესაკეთებლად ბათუმში

ბათუმში, 40 სპორტული მინისტადიონის კაპიტალური შეკეთებისთვის ბათუმის მერია მაქსიმუმ 1 მილიონ 400 ათას ლარს გადაიხდის. საგარანტიო პერიოდი 2 წელი უნდა იყოს სამუშაოების დასრულებიდან. სამუშაოები კი ტენდერში გამარჯვებულ კომპანიასთან [ან კომპანიებთან] ხელშეკრულების გაფორმებიდან 2016 წლის პირველ სექტემბრამდე პერიოდში უნდა განხორციელდეს.

მინი სტადიონი

მინისტადიონი გენ. ა. აბაშიძის ქუჩის მიმდებარედ

ბათუმის მერიამ შესაბამისი სამი ტენდერი უკვე გამოაცხადა, ერთი და იმავე პირობებით. სატენდერო კომისიის მოთხოვნაა, რომ „ყველა გამოყენებული მასალა იყოს მაღალხარისხიანი და აკმაყოფილებდეს საქართველოში მოქმედ ყველა სამშენებლო ნორმასა და სტანდარტს. ყველა მასალა, მოწყობილობა, საკომპლექტო ნაწილი, სამარაგო საგანი, მოწოდებული კონტრაქტის ფარგლებში, უნდა იყოს ახალი, უხმარი, სტანდარტული, მაღალი ხარისხის, საუკეთესო დონეზე დაპროექტებული და დამზადებული. უხარისხო ან დაბალი ხარისხის მასალები, მოწყობილობები და საკომპლექტო ნაწილები არ მიიღება და მათი გამოყენება არ იქნება ნებადართული“.

ტენდერის პირობების თანახმად, ტენდერში მონაწილე პრეტენდენტს ბოლო 3 წლის განმავლობაში (2013, 2014, 2015) და 2016 წლის პირველ აპრილამდე შესრულებული უნდა ჰქონდეს ტენდერით გათვალის წინებული ანალოგიური ხასიათის, სირთულისა და შინაარსის (სპორტული მოედნების მშენებლობა, რეკონსტრუქცია, რემონტი) სამუშაოები საერთო ღირებულებით არანაკლებ 500 000 (ხუთასი ათასი) ლარის ოდენობით.

2015 წელს მინისტადიონებს ბათუმის მერიის ორგანიზაცია ა(ა)იპ „ბათუმის კორპუსი“ არემონტებდა [და არა უშუალოდ მერია; თუმცა „ბათუმის კორპუსი“ ბათუმის მერიის ა[ა]იპ-ია, რომელიც ქალაქის ბიუჯეტიდან ფინანსდება]. „ბათუმელებს“ მაშინ ორგანიზაციაში განუცხადეს, რომ „93 სტადიონი გვაქვს აღწერილი. აქედან 80% შესაკეთებელია… უმეტესობა არის არასტანდარტული და შესაცვლელია, რაც ბევრ თანხასთანაა დაკავშირებული. ყველა სტადიონი რომ შევაკეთოთ, მინიმუმ 6 მილიონი მაინც დასჭირდება. მაგალითად, შვიდი პატარა სტადიონი რომ შევაკეთეთ, 200 000 ლარი დაჯდა, თითოეული მათგანი საშუალოდ 30 000 ლარი. მოზრდილ მოედანს კი 60 000 ლარი დასჭირდება“.

„ბათუმელებს“ მერიის სატენდერო კომისიაში უთხრეს, რომ 2015 წელს იყო უბრალოდ შეკეთება-მოწყობა, ამჯერად კი სტადიონები კაპიტალურად გარემონტდება. ბათუმის მერიის ინფორმაციით, მინისტადიონების შეკეთებას მიმდინარე წელსაც „ბათუმის კორპუსი“ აგრძელებდა. თუ რის საფუძველზე,- ამ კითხვაზე მერიისგან, ვერც „ბათუმის კორპუსისგან“, პასუხი ვერ მივიღეთ.

მერიის მიერ გამოცხადებულ სამივე ტენდერში წინადადებების მიღება 2016 წლის 12 აპრილს შეწყდება, რის შემდეგაც კომისია გამარჯვებულებს გამოავლენს.

მინი სტადიონი

მინისტადიონი გენ. ა. აბაშიძის ქუჩის N5-ის მიმდებარედ

მინისტადიონებს შემდეგ მისამართებზე შეაკეთებენ:

 

პირველი ტენდერი:

 

აბუსერიძის ქუჩა #1/3

აღმაშენებლის ქუჩა #12/16

გენერალ ასლან აბაშიძის #17

დიდაჭარის ქუჩა #35

ფრიდონ ხალვაშის ქუჩა, XV ჩიხის #1

გოგოლის ქუჩა #11

გუდიაშვილის ქუჩა #18/20

ჯავახიშვილის ქუჩა #78ა

ჯავახიშვილის ქუჩა #67/73

ლერმონტოვის ქუჩა #104/106

ლორიას ქუჩა #2/4 და პუშკუნის ქუჩა #172/174

ნაჭყებიას ქუჩა #1

 

მეორე ტენდერი:

 

აფხაზეთის ქუჩა

კაზინეცის ქუჩა #13

მაიაკოვსკის ქუჩა #3ა

ალ. ჩხაიძისა და შავშეთის ქუჩების კვეთა

მაიაკოვსკის ქუჩა #55/23

ქათამაძის ქუჩა #42

თამარის დასახლება #23

თამარის დასახლება #26

 

მესამე ტენდერი:

 

26 მაისის ქუჩა #13

აბუსერიძის ქუჩა #21

აბუსერიძის ქუჩა #25

ბაგრატიონის ქუჩა #196

გორგილაძის ქუჩა #54/62

ჯავახიშვილის ქუჩა #47/49

ჯავახიშვილის ქუჩა #51

ჯავახიშვილის ქუჩა #72

ლერმონტოვის ქუჩა #88

მელიქიშვილის ქუჩა #110

ს. მესხის ქუჩა #40/42

სელიმ ხიმშიაშვილის ქუჩა #94

ტაბიძის ქუჩა #1/3

ტაბიძის ქუჩა #19/21

ტაბიძის ქუჩა #31/33/35

ტაბიძის ქუჩა #7

ტაბიძის ქუჩა #19ა

ხელვაჩაურის დასახლებაში საავადმყოფოს მიმდებარედ

ხიმშიაშვილის ქუჩა #25

ხიმშიაშვილის ქუჩა #43/45

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com