ნეტგაზეთი • RU

პოდოლიაკი: რუსებმა ჩვენი ბავშვები ომის შვილებად აქციეს

უკრაინის პრეზიდენტის ადმინისტრაციის წარმომადგენელი, მიხაილო პოდოლიაკი, Twitter-ზე თავისი შვიდი წლის შვილის ნახატს ავრცელებს და წერს:

„რუსებმა ჩვენი ბავშვები „ომის შვილებად“ აქციეს. ვისაც სარდაფებში სძინავთ, ვინც გამუდმებული სარაკეტო ცეცხლის ქვეშაა, ვინც ხედავს შეიარაღებულ თავდამსხმელების მიერ ძარცვას, სროლასა და მოროდიორობას. ჩემი შვიდი წლის ვაჟი ისე ხედავს ომს, როგორც ამ ნახატზეა. ახლა ყოველივე ეს ჩვენი ბავშვების მეხსიერებაშია“.

ნახატი, რომელსაც პოდოლიაკი ავრცელებს

დღეს, 8 მარტს, უკრაინაში რუსეთის ფედერაციის ჯარების შეჭრიდან მე-13 დღეა. რუსეთმა დაბომბა ქალაქები და სოფლები, დაღუპულია ასობით მშვიდობიანი მოქალაქე. ძირითადად ევროკავშირის ქვეყნების მიმართულებით ქვეყანა დატოვა 1.5 მილიონზე მეტმა ადამიანმა. მეორე მსოფლიო ომის შემდეგ ეს არის ევროპაში ყველაზე მასშტაბური და სწრაფი ლტოლვილთა კრიზისი.
ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან