მთავარი,სიახლეები

მატარებლების მოძრაობა შეჩერდა – სადგურ მარელისთან მეწყერი ჩამოწვა

07.03.2022 • 3364
მატარებლების მოძრაობა შეჩერდა – სადგურ მარელისთან მეწყერი ჩამოწვა
დღეს, 7 მარტს, გამთენიისას,  რიკოთის უღელტეხილის მონაკვეთზე, სოფელ მარელისთან, მეწყერი ჩამოწვა. შედეგად სარკინიგზო გზის თავზე გადებული საავტომობილო ხიდი ჩამოინგრა.საქართველოს რკინიგზის განმარტებით, მომხდარის გამო დღეს დილიდან სატვირთო და სამგზავრო მატარებლების მოძრაობა შეჩერებულია, ასევე  დაზიანებულია რკინიგზის ლიანდაგი და საკონტაქტო ხაზი.„ადგილზე მობილიზებულია სპეცტექნიკა. ლიანდაგის გაწმენდისა და საკონტაქტო ხაზის აღდგენის შემდეგ, სამგზავრო და სატვირთო მატარებლების მოძრაობა ეტაპობრივად განახლდება. საბედნიეროდ არავინ დაშავებულა. კომპანიის წარმომადგენლები მაქსიმუმს აკეთებენ, რომ შეძლებისდაგვარად მალე განახლდეს მოძრაობა“, – განაცხადა საქართველოს რკინიგზა.

ჯერჯერობით უცნობია როდის აღდგება სარკინიგზო მიმოსვლა.

ჩამონგრეული ხიდი და დაზიანებული ლიანდაგი სადგურ მარელისთან
ფოტო: საქართველოს რკინიგზა

 

გადაბეჭდვის წესი


ასევე: