მთავარი,სიახლეები

უკრაინის ექსპრეზიდენტი ქვეყნის დასაცავად ბრძოლას აპირებს

25.02.2022 • 2636
უკრაინის ექსპრეზიდენტი ქვეყნის დასაცავად ბრძოლას აპირებს

უკრაინის ექსპრეზიდენტმა პეტრო პოროშენკომ CNN-თან ჩართვის დროს ჟურნალისტს პირდაპირ ეთერში აჩვენა AK-47-ის სისტემის ავტომატი და  თქვა, რომ ის იბრძოლებს კიევის დასაცავად რუსი ჯარისკაცების წინააღმდეგ.

„აქ არიან ადამიანები, რომლებსაც არ ჰქონიათ სამხედრო გამოცდილება. მაგრამ ახლა მოვიდნენ და შემოგვიერთდნენ. ეს არის დემონსტრაცია იმის, თუ როგორ სძულს უკრაინელ ხალხს პუტინი და როგორ ვიბრძოლებთ ჩვენ რუსეთის აგრესიის წინააღმდეგ.

ვფიქრობ, ვერასდროს დაამარცხებს პუტინი უკრაინას, მიუხედავად იმისა, თუ რამდენი ჯარისკაცი ეყოლება ან რამდენი ტყვია ექნება. ჩვენ უკრაინელები ვართ თავისუფალი ადამიანები,“ – თქვა პეტრო პოროშენკომ.

ინტერვიუს დროს პოროშენკომ პუტინის მისამართით თქვა, რომ მას უნდა მოვექცეთ ისე, როგორც ადამიანს, რომელმაც საღი გონება დაკარგა.

„ის, უბრალოდ, გაგიჟებულია. ის [პუტინი] ბოროტია და აქ მოდის უკრაინელების მოსაკლავად,“ – თქვა პოროშენკომ ინტერვიუს დროს.

პოროშენკომ ისაუბრა მსხვერპლზე, რომელიც ერთდღიანი ომის შედეგად ორივე მხარემ მიიღო და თქვა, რომ რუსეთის სამხედრო მოქმედებები ხელს ვერ შეუშლის უკრაინას თავისი პოლიტიკური მიზნების შესრულებაში.

___

მთავარი ფოტო: კადრი CNN-ის ვიდეომასალიდან

გადაბეჭდვის წესი


ასევე: