ნეტგაზეთი • RU

შტორმისგან დაზიანებული ახალი ბულვარიდან LIBERTE გაიტანეს

ბათუმში, შტორმისგან დაზიანებული ახალი ბულვარიდან გელა წულაძის სკულპტურა, LIBERTE გაიტანეს.

ბათუმის ბულვარში განმარტავენ, რომ სკულპტურის გატანის მიზეზი დაზიანებული სანაპიროა.

„ავტორიც ესწრებოდა მოხსნის პროცესს. გადავიტანეთ უსაფრთხო, ავტორთან შეთანხმებულ ადგილას.

როგორც კი პრომენადი გაკეთდება და საშტორმო ვითარება აღარ იქნება, სკულპტურა დაუბრუნდება ადგილს. ეს საფრთხის შემცველი ადგილი იყო, ამიტომ იქნა ეს გადაწყვეტილება მიღებული“ – ამბობენ ბათუმის ბულვარში.

შტორმისგან დაზიანებული ახალი ბულვარი. ფოტო: „ბათუმელები“/გურამ მურვანიძე

შტორმისგან დაზიანებული ახალი ბულვარი. ფოტო: „ბათუმელები“/გურამ მურვანიძე

შტორმისგან დაზიანებული ახალი ბულვარი. ფოტო: „ბათუმელები“/გურამ მურვანიძე

5 თებერვალს, ბათუმში შტორმმა კიდევ ერთხელ დააზიანა ახალი ბულვარის სანაპიროს ნაწილი, წაიღო სკამები, ქვა-ღორღით გაივსო ბულვარის სავალი ნაწილი.

ამავე თემაზე: 

„თუ არ ვიმოქმედებთ, საზღვაო აკადემიამდე ისევ ამოვა ზღვა“ – ინტერვიუ ექსპერტთან

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com