Batumelebi | დღეში 1 მილიონი იხარჯება საავადმყოფოებში კოვიდპაციენტების მკურნალობაზე დღეში 1 მილიონი იხარჯება საავადმყოფოებში კოვიდპაციენტების მკურნალობაზე – Batumelebi
ნეტგაზეთი • RU

დღეში 1 მილიონი იხარჯება საავადმყოფოებში კოვიდპაციენტების მკურნალობაზე

კოვიდპაციენტების მხოლოდ საავადმყოფოებში მკურნალობა ამ ეტაპზე სახელმწიფოს დღეში 1 მილიონზე მეტი ლარი უჯდება.

2022 წლის 1-ლი იანვრიდან 14 იანვრის ჩათვლით პერიოდში კოვიდპაციენტების მომსახურებისთვის კოვიდკლინიკებს ბიუჯეტიდან ჯამში 14 399 600 ლარს გადაუხდიან.

სწორედ ამ თანხაზე აქვს ჯანმრთელობის ეროვნულ სააგენტოს გაფორმებული შესაბამისი ხელშეკრულებები 121 სამედიცინო დაწესებულებასთან. ხელშეკრულებების მიხედვით, საავადმყოფოებს თითოეულ საწოლზე დღიურად 120 ლარს უხდიან.

„შესასყიდი მომსახურების მიმწოდებლები – სამედიცინო დაწესებულებების ჩამონათვალი და საწოლ ფონდების რაოდენობა განსაზღვრულია საქართველოს ჯანდაცვის მინისტრის 2022 წლის 18 იანვრის ბრძანებით“, – აღნიშნულია სააგენტოს განაცხადში, რომლითაც მან შესყიდვების სააგენტოს გადაუდებელი აუცილებლობით შესყიდვის შემდგომ შეთანხმებისთვის მიმართა.

Stopcov.ge-ზე გამოქვეყნებული ინფორმაციის თანახმად, 25 იანვრის მდგომარეობით, საქართველოში ინფიცირების მიმდინარე აქტიური შემთხვევაა 87 609, მათგან 4 595 ადამიანი მკურნალობს საავადმყოფოში.

კოვიდით 42 პაციენტი გარდაიცვალა, დადასტურდა 15 762 ახალი შემთხვევა – ბოლო 24 საათში

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com