მთავარი,სიახლეები

მოსწავლეებს კვლავ შეუძლიათ სწავლის ფორმატი აირჩიონ

22.01.2022 • 891
მოსწავლეებს კვლავ შეუძლიათ სწავლის ფორმატი აირჩიონ

განათლების სამინისტროს ინფორმაციით, 2021-22 სასწავლო წლის გაზაფხულის სემესტრი სკოლებში 17 იანვარს განახლდა. ბოლო კვირის მონაცემებით, კორონავირუსი მასწავლებელთა 0,8 -ს და მოსწავლეების 0,1 %-ს დაუდასტურდა.

ამ ეტაპზე სრულად დისტანციურ სწავლებაზე იმყოფება 21 სკოლა და 84 ცალკეული კლასი ქვეყნის მასშტაბით.  „სწავლების დისტანციურ ფორმატში წარმართვის სურვილი საქართველოს მასშტაბით რისკის ჯგუფის 80-მა მასწავლებელმა გამოთქვა“.

ოფიციალური ინფორმაციით, დღეისათვის აცრილია მასწავლებელთა და სკოლის ადმინისტრაციის წარმომადგენელთა 73.5 პროცენტი.

ამავე წყაროს ცნობით, მოსწავლეთა მშობლებს კვლავ ეძლევათ საშუალებას, არჩევანი გააკეთონ დასწრებითი და დისტანციური სწავლების ფორმას შორის.

იმ შემთხვევაში თუკი მოსწავლე დისტანციური სწავლების ფორატს აირჩევს, მან რეგისტრაცია წინასწარ emis.ge-ზე უნდა გაიაროს. რეგისტრაციის გაუქმებაც ამავე გვერდზეა შესაძლებელი.

გადაბეჭდვის წესი


ასევე: