მთავარი,სიახლეები,ჯანმრთელობა

შეხვედრა ბიძინა კულუმბეგოვთან – ბსუ, ამერიკული კუთხე, ოცნების ქალაქი

18.01.2022 • 2422
შეხვედრა ბიძინა კულუმბეგოვთან – ბსუ, ამერიკული კუთხე, ოცნების ქალაქი

22-23 იანვარს ბათუმში კორონავირუსისა და მისი საწინააღმდეგო ვაქცინაციის შესახებ საინფორმაციო შეხვედრები გაიმართება.

დამსწრეთა შეკითხვებს ექიმი ალერგოლოგ-იმუნოლოგი ბიძინა კულუმბეგოვი უპასუხებს.

შეხვედრის დასრულების შემდეგ, სურვილის შემთხვევაში, დამსწრეებს ადგილზე შეეძლებათ სპეციალისტების ზედამხედველობის ქვეშ აიცრან. 

პირველი შეხვედრა 22 იანვარს, 12 საათზე, ბათუმის შოთა რუსთაველის სახელმწიფო უნივერსიტეტში გაიმართება. შეხვედრაზე დასწრება თავისუფალია და წინასწარი რეგისტრაცია შესაძლებელია აღნიშნულ ბმულზე

შეხვედრას მოდერაციას გაუწევს აჭარის ჯანდაცვის მინისტრი ნინო ნიჟარაძე.

მეორე შეხვედრა სასკოლო საზოგადოების წევრებისთვის 23 იანვარს, 12 საათზე, ბათუმის საჯარო ბიბლიოთეკის ამერიკულ კუთხეში შედგება. დასწრება შეუძლიათ სკოლის მოსწავლეებს, მასწავლებლებსა და მშობლებს. წინასწარი რეგისტრაციისთვის ეწვიეთ ბმულს

დისკუსიის მოდერატორი აჭარის ჯანდაცვის მინისტრის მოადგილე მარი ზანაქიძე იქნება.

მესამე შეხვედრა „ოცნების ქალაქის“ დასახლებაში, 23 იანვარს, 14:30 საათზე, გაიმართება. შეხვედრაზე დასწრება თავისუფალია. 

შეხვედრას მოდერაციას გაუწევს აჭარის ჯანდაცვის მინისტრის მოადგილე  რამაზ ჯინჭარაძე.

__

შეხვედრები ტარდება პროექტის ფარგლებში – ,,ვაქცინაციის საინფორმაციო კამპანია“. შეხვედრებს მხარს უჭერს აჭარის ა/რ ჯანმრთელობისა და სოციალური დაცვის სამინისტრო და ,,საქართველოს ღია საზოგადოების ფონდი“.

გადაბეჭდვის წესი


ასევე: