Batumelebi | სულიკო თებიძე აჭარის განათლების ფონდის დირექტორად დანიშნეს სულიკო თებიძე აჭარის განათლების ფონდის დირექტორად დანიშნეს – Batumelebi
ნეტგაზეთი • RU

სულიკო თებიძე აჭარის განათლების ფონდის დირექტორად დანიშნეს

ბათუმის ბოლო მოწვევის საკრებულოს ყოფილი თავმჯდომარე სულიკო თებიძე, აჭარის განათლების ფონდის და ბათუმის მასწავლებლის სახლის დირექტორად დანიშნეს. ის ახალ თანამდებობაზე დღეს, 14 დეკემბერს, აჭარის განათლების მინისტრმა მაია ხაჯიშვილმა წარადგინა.

სანამ საკრებულოს თავმჯდომარე გახდებოდა, სულიკო თებიძე განათლების მინისტრის ერთი-ერთი მოადგილე იყო.

სამინისტროს ინფორმაციით, სულიკო თებიძე დღეს ფონდში დასაქმებულ პირებს შეხვდა და „მიმდინარე პროექტები და სამომავლო გეგმები განიხილეს“. სულიკო თებიძის დანიშვნამდე ფონდში დირექტორის მოვალეობას რუსუდან ქავთარაძე ასრულებდა.

როგორც სამინისტროში „ბათუმელებს“ უთხრეს, ის ამავე ფონდში დირექტორის მოადგილედ გააგრძელებს მუშაობას.

სულიკო თებიძე ბათუმის საკრებულოს თავმჯდომარედ 2017 წლის 20 ნოემბერს აირჩიეს. ის საკრებულოში „ქართულ ოცნებას“ წარმოადგენდა.

ბათუმის საკრებულოს ყოფილი თავმჯდომარე ახალ თანამდებობაზე წარადგინეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com