კორონავირუსის გამო აჭარაში სრულად დისტანციურზე სწავლობს ერთი სკოლა ხულოში და 105 კლასი რეგიონის სხდასხვა სკოლებში.
აჭარის განათლების სამინისტროს ინფორმაციით, ამ დროისთვის სრულად დისტანციურზე იმყოფება კლასები:
- ბათუმი – 68
- ქობულეთი -26
- ხელვაჩაური – 9
- შუახევი – 1
- ხულო – 1
ქვეყნის მასშტაბით კი 108 სკოლა სწავლობს დისტანციურად და ცალკეული სკოლების 369 კლასი. ასევე, რისკის ჯგუფის 115 მასწავლებელი მუშაობს დისტანციურად.
საქართველოს განათლების სამინისტროს ინფორმაციით, ბოლო შვიდი დღის განმავლობაში კორონავირუსი დაუდასტურდა მასწავლებლების 0.8 და მოსწავლეების 0.3 პროცენტს.
ამ ეტაპისთვის აცრილია მასწავლებელთა და სკოლის ადმინისტრაციის წარმომადგენელთა 71 პროცენტი.
