Batumelebi | „არ შეიძლება ის, როგორც ექცევიან პრეზიდენტს“, – ბათუმის მერიის მოხელემ სამსახური დატოვა „არ შეიძლება ის, როგორც ექცევიან პრეზიდენტს“, – ბათუმის მერიის მოხელემ სამსახური დატოვა – Batumelebi
ნეტგაზეთი • RU

„არ შეიძლება ის, როგორც ექცევიან პრეზიდენტს“, – ბათუმის მერიის მოხელემ სამსახური დატოვა

ბათუმის მერიის შიდა აუდიტის სამსახურში რეკომენდაციების მონიტორინგის განყოფილების უფროსმა, როსტომ ძნელაძემ თანამდებობა დატოვა.

როგორც როსტომ ძნელაძე „ბათუმელებს“ განუცხადა, მან სამსახურიდან წამოსვლის შესახებ გადაწყვეტილება ორი დღის წინ მიიღო და თანამდებობა პროტესტის ნიშნად დატოვა.

„არ მომწონს ის, რაც ქვეყანაში ხდება მესამე პრეზიდენტთან დაკავშირებით. აქ ვგულისხმობ, როგორც მის სამოქალაქო კლინიკაში გადაყვანის მოთხოვნას, ასევე სამართლიანი და ობიექტური სასამართლოს უფლებასაც“, – ამბობს ის.

როსტომ ძნელაძემ თავისი პროტესტის შესახებ ფეისბუკზეც დაწერა, სადაც ამბობს, რომ „წასვლა ყოველთვის არ არის ადვილი და არც ჩემ შემთხვევაში“.

„არ შეიძლება ის, როგორც ექცევიან პრეზიდენტს, რომელმაც ქვეყანა ამოიყვანა რუსული ჩეჩმიდან და მისცა განვითარების რეალური შესაძლებლობა. ეს უბრალოდ სამარცხვინოა!!! სხვა სისტემურ პრობლემებზე საუბარი არც ღირს, როცა საქმე უპირველესად ეხება ქვეყნის იმიჯსა და რეპუტაციას“, – აცხადებს ის.

როსტომ  ძნელაძე ბათუმის მერიის აუდიტის სამსახურში შვიდი წელი მუშაობდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com