დღეს 13 ნოემბერს თბილისში რუსთაველის გამზირზე კვლავ განახლდა ოპოზიციის საპროტესტო აქციები, სადაც აქციის მონაწილეები მოითხოვენ როგორც მესამე პრეზიდენტის მიხეილ სააკაშვილის გადაყვანას სამოქალაქო კლინიკაში, ასევე საუბარია იმაზე რომ „ქართული ოცნება“ ღიად დაუპირიპირდა თავისუფალ ევროპას და ჩვენი ქვეყნის მეგობრებს.
აქციის დაწყებამდე ოპოზიციურმა პარტიებმა საგანგებო ბრიფინგიც გამართეს, სადაც განაცხადეს, რომ მიხეილ სააკაშვილის მოსანახულებლად ჩამოსული ევროპარლამენტარების ციხეში არ შეშვებით, ივანიშვილის მთავრობამ გააკეთა ღია განაცხადი, რომ მან გადაუხვია ქართველი ხალხის ევროპულ არჩევანს.
ელენე ხოშტარიას თქმით, ევროპარლამენტარი ანა ფოტიგა, რომელსაც არ მისცეს ციხეში სააკაშვილის მონახულების უფლება, არ არის მხოლოდ ევროპარლამენტარი, არამედ ის წარმოადგენს იმ ინსტიტუციას, რომელიც არის ჩვენი ქვეყნის მეგობარი.
სალომე სამადაშვილის თქმით, ხელისუფლების ეს ჟესტი არის ღია და აშკარა გზავნილი თუ როგორ შეაქცია ზურგი ხელისუფლებამ ევროპას, „ჩვენს საუკეთესო მეგობრებს. ეს გზა „ქართულმა ოცნებამ“ აირჩია, რომელიც დასრულდება ჩვენი გამარჯვებით. დღეიდან იწყება ძალიან აქტიური ბრძოლა ჩვენი ევროპელი მეგობრების მხრიდან, პირველი იმისთვის რომ გადავარჩინოთ სააკაშვილის სიცოცხლე და მეორე, რომ ჩვენ დავიცვათ ამ ქვეყნის ევროპული მომავალი“-ამბობს სამადაშვილი.
ოპოზიციის საგანგებო ბრიფინგი
მისი თქმით, ივანიშვილის მთავრობას მოუწევს იმის აღიარება, რა არის მათი არჩევანი – „ქვეყნის რუსეთისკენ შემობრუნება თუ საქართველოს ევროატლანტიკური მომავალი“.
დღევანდელ ბრიფინზე იმყოფებოდა თინა ბიკუჩავაც , რომელმაც ასევე აღნიშნა, რომ ივანიშვილი სააკაშვილის ციხეში გამოკეტვით, პუტინის ოცნებას ასრულებს.
„პუტინი, რომელსაც აშშ-ს პრეზიდენტმა ღიად უწოდა მკვლელი, დიდი ხანია ოცნებობს სააკაშვილის სიკვდილზე. ახლა კი ჩვენ თვალწინ ვხედავთ, როგორ უსრულებს ივანიშვილის რეჟიმი პუტინს ამ ოცნებას“-ამბობს ბოკუჩავა.
გიგა ბოკერიას თქმით კი, ივანიშვილის რეჟიმი ნაბიჯ-ნაბიჯ აჩვევს ჩვენს ქვეყანას იმას, რომ ჩვენ გადავინაცვლეთ თავისუფალი ევროპის ქვეყნებიდან იმ ჯგუფში, რომლებიც არიან პუტინის რუსეთის ფარვატერში, ეს არის საგანგაშო სიმართლე. „თვალსა და ხელს შუა შეიძლება აღმოვნდეთ უმძიმეს პოლიტიკურ რეალობაში“-ამბობს ის.
ანა ნაცვლიშვილის აზრით კი უპრეცენდენტო გადაწყვეტილება რომელიც მიიღო ხელისუფლება, რომ არ მისცა ევროპარლამენტარს ციხეში შესვლის და სააკაშვილის მონახულების უფლება, ასევე მეტყველებს ხელისუფლების ავტიევროპულ გზავნილზე.
„ანა ფოტიგა არ წარმოადგებს მხოლოდ საკუთარ თავს, არამედ ინსტიტუციას რომელიც არის ჩვენი ქვეყნის მეგობარი. ხელისუფლების ქმედება არის მიხურული კარი ევროპისთვის და მეორე, როცა ციხე დახურულია მონიტორინგის ეს არის იმის ნიშანი, რომ იქ ცუდი რაღაც ხდება“-ამბობა ან ნაცვლიშვილი.
