Batumelebi | მიკედლებული ძაღლი მეპატრონის საფლავზე დადის მიკედლებული ძაღლი მეპატრონის საფლავზე დადის – Batumelebi
ნეტგაზეთი • RU

მიკედლებული ძაღლი მეპატრონის საფლავზე დადის

თურქული მედია ქალაქ ტრაბზონში უცნაური ფაქტის  შესახებ წერს. ძაღლი თავისი გარდაცვლილი მეპატრონის   საფლავზე მიდის და წვება. 

ომერ გუვენმა 11 წლის ქუჩის ძაღლი შეიფარა და მასზე ზრუნვა დაიწყო. ძაღლს მან „ფერო“ შეარქვა.

კაცი 29 ოქტომბერს 92 წლის ასაკში გარდაიცვალა. მას შემდეგ „ფერო“ მისი საფლავის რეგულარული სტუმარია.

ომერის რძლის ფატმა გუვენის თქმით, მოხუცს ძალიან უყვარდა ცხოველები: 

„მაწანწალა კატებსაც უვლიდა. ზამთარში ქალაქგარეთ გადიოდა. როდესაც ომერი ქალაქს ტოვებდა, კატები ქრებოდნენ. 

არ ვიცი, გრძნობდა თუ არა ძაღლი მის მოსვლას, მაგრამ როცა ბრუნდებოდა, „ფერო“ ყოველთვის მის გვერდით იყო. ჩემს მამამთილსაც ძალიან უყვარდა, იქამდე არ ჭამდა, სანამ ფეროს არ დააპურებდა. 

ზოგჯერ მეზობლები ხედავენ, რომ ფერო სასაფლაოზე ჩვენ გარეშე მიდის. როდესაც დაკრძალეს, ძაღლი პირდაპირ საფლავზე დაჯდა,“ – უთხრა ფატმამ ჟურნალისტებს.

ფოტო: dailysabah.com

ნეტგაზეთის მასალების სხვა გამოცემებში გადაბეჭდვის წესი
ავტორი