Batumelebi | „დინამო ბათუმი“ დღეს „საბურთალოს“ შეხვდება | ეროვნული ლიგა „დინამო ბათუმი“ დღეს „საბურთალოს“ შეხვდება | ეროვნული ლიგა – Batumelebi
ნეტგაზეთი • RU

„დინამო ბათუმი“ დღეს „საბურთალოს“ შეხვდება | ეროვნული ლიგა

დღეს, პირველ ნოემბერს, ბათუმში, ეროვნული ლიგის ფარგლებში ერთმანეთს „დინამო ბათუმი“ და „საბურთალო“ შეხვდებიან.

შეხვედრა ბათუმში 20 საათზე დაიწყება. დღეს მატჩს მაყურებელიც დაესწრება. ბილეთები ამ დრომდე იყიდება. შეივსება მხოლოდ სტადიონის საერთო ტევადობის 33%.

კოვიდპანდემიის გამო მატჩზე დასწრების მსურველებმა უნდა წარადგინონ: პირადობის დამადასტურებელი მოწმობა, მატჩის ბილეთი, ვაქცინაციის დამადასტურებელი საბუთი, ან ბოლო 6 თვის განმავლობაში კორონავირუსის გადატანის დამადასტურებელი ცნობა, ან 72 საათის განმავლობაში გაკეთებული PCR ტესტის უარყოფითი პასუხი, ან 24 საათის განმავლობაში გაკეთებული ანტიგენტესტის უარყოფითი პასუხი.

აღნიშნული ვრცელდება არასრულწლოვან პირებზეც.

ამ დროისათვის „დინამო ბათუმი“ ეროვნული ლიგის სატურნირო ცხრილის სათავეშია 64 ქულით. მეორე ადგილზეა „დინამო თბილისი“, რომელსაც 63 ქულა აქვს, მესამეზე ადგილზე კი გორის „დილაა“ – 56 ქულით. „საბურთალო“ მეოთხე ადგილზეა 50 ქულით.

______________

ფოტო: FC Dinamo Batumi/FB

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com