Batumelebi | ხელვაჩაურის მაჟორიტარული ოლქები „ოცნების“ კანდიდატებმა მოიგეს ხელვაჩაურის მაჟორიტარული ოლქები „ოცნების“ კანდიდატებმა მოიგეს – Batumelebi
ნეტგაზეთი • RU

ხელვაჩაურის მაჟორიტარული ოლქები „ოცნების“ კანდიდატებმა მოიგეს

ადგილობრივი თვითმმართველობის არჩევნების მეორე ტური 30 ოქტომბერს ხელვაჩაურის ორ მაჟორიტარულ ოლქში გაიმართა.

ორივე ოლქში ერთმანეთის კონკურენტები იყვნენ „ქართული ოცნებისა“ და „ერთიანი ნაციონალური მოძრაობის“ კანდიდატები. ცესკოს წინასწარი მონაცემების მიხედვით, ორივე ოლქი „ოცნების“ კანდიდატებმა მოიგეს.

ხელვაჩაურის №5 საარჩევნო ოლქში „ოცნების“ კანდიდატმა, ელიზბარ ზოიძემ ამომრჩევლის ხმათა 51.995 პროცენტი მიიღო, 1488 ხმა, მისმა კონკურენტმა, „ერთიანი ნაციონალური მოძრაობის“ კანდიდატმა მამუკა ჯევაიშმა კი ამომრჩევლის ხმათა 48.045 პროცენტი – 1376 ხმა.

ხელვაჩაურის №6 საარჩევნო ოლქში „ოცნების“ კანდიდატმა შოთა ფუტკარაძემ ამომრჩეველთა ხმების 51.349 პროცენტი მიიღო – 1732 ხმა, „ერთიანი ნაციონალური მოძრაობის“ კანდიდატმა დავით დუმბაძემ კი ამომრჩეველთა ხმების 48.651 პროცენტი – 1641 ხმა.

ხელვაჩაურში არჩევნების მეორე ტურზე ამომრჩეველთა 58.31 პროცენტმა მისცა ხმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com