ბათუმის ახალი საფეხბურთო სტადიონი – ,,აჭარაბეთ არენა“ დაინტერესებულ პირებს შეხვედრების ოთახებით სარგებლობას სთავაზობს.
სტადიონზე განთავსებულია უახლესი აპარატურით აღჭურვილი საკონფერენციო დარბაზი, ასევე, სხვადასხვა ტიპის შეხვედრების ოთახები და ბიზნეს-ბოქსები. აღნიშნული სივრცეები განკუთვნილია ტრენინგების ჩასატარებლად, საქმიანი შეხვედრების გასამართად და სხვადასხვა ტიპის ღონისძიებებისათვის.
მრავალფეროვანი სერვისის შეთავაზების მიზნით, სივრცეების დაჯავშნა შესაძლებელია როგორც საათობრივად და დღიურად, ასევე, ერთი თვით ან წლიურად.
დაინტერესებულ პირებს შეუძლიათ დაუკავშირდნენ შპს ,,აჭარის პროექტების მართვის კომპანიას“: https://www.facebook.com/ajaraprojectsmanagementcompany მის.: ბათუმი, ჟიული შარტავას გამზირი N 13 (შესასვლელი გუდიაშვილის ქუჩის მხრიდან).
