იაპონიის პრინცესა მაკო დაქორწინდა სტუდენტობის შეყვარებულზე, კეი კამუროზე და შედეგად სამეფო ტიტული დაკარგა.
იაპონიის კანონმდებლობით, იმპერატორის ოჯახის წევრი ქალები კარგავენ სტატუსს არატიტულოვან პირთან ქორწინებისას.
ამ ქორწინების წინააღმდეგ იაპონიაში აქციაც გაიმართა.
„ჩემთვის კეი შეუცვლელია, ქორწინება აუცილებელი არჩევანი იყო“ – განაცხადა პრინცესა მაკომ. მედიაში ვრცელდება მისი ქმრის, კეი კამუროს ციტატაც:
„მე მიყვარს მაკო. ჩვენ მხოლოდ ერთი სიცოცხლე გვაქვს და მინდა მასთან გავატარო, ვინც მიყვარს“.
არსებული ინფორმაციით, წყვილი აშშ-ში აპირებს ცხოვრებას, სადაც კეი კამურო იურისტად მუშაობს.
________________
ფოტო: ევროპის პრესფოტო სააგენტო. EPA/Nicolas Datiche
