Batumelebi | ბათუმის მუნიციპალურ ინსპექციაში ზარები არ წყდება – მოქალაქეები კორპუსების შემოწმებას ითხოვენ ბათუმის მუნიციპალურ ინსპექციაში ზარები არ წყდება – მოქალაქეები კორპუსების შემოწმებას ითხოვენ – Batumelebi
ნეტგაზეთი • RU

ბათუმის მუნიციპალურ ინსპექციაში ზარები არ წყდება – მოქალაქეები კორპუსების შემოწმებას ითხოვენ

ბოლო 3 დღის განმავლობაში ბათუმის მუნიციპალურ ინსპექციაში ზარები არ წყდება. ინსპექციის ხელმძღვანელის, არჩილ კონცელიძის ინფორმაციით, სამსახურში დღეში რამდენიმე ათეული შეტყობინება შედის, მოქალაქეები სახლების შემოწმებას ითხოვენ.

„ძალიან ბევრი შეტყობინება შემოდის, დღის განმავლობაში რამდენიმე ათეული. შეძლებისდაგვარად დამხმარე ძალების მობილიზებით, ჩემსავე სამსახურებში სხვა მიმართულებების მობილიზებით ვცდილობთ ყველა შეტყობინებაზე გავიდეთ და შესაბამისი რეაგირება მოვახდინოთ“, – აცხადებს არჩილ კონცელიძე.

მისივე თქმით, ამ ეტაპზე შესაბამის სამსახურში სპეციალისტების დამატებას არ განიხილავენ:

„ახლა ხალხი შეშინებულია და მესმის მათი, ყველა ცდილობს, რომ მათი კორპუსი გადამოწმდეს. ჩვენ ვცდილობთ ყველასთან მივიდეთ. თუ ჩავთვლით, რომ სამომავლოდ რესურსის დამატება იქნება საჭირო, შევეცდებით.“

მუნიციპალური ინსპექცია ამოწმებს, მიმდინარე მშენებლობის პროექტთან შესაბამისობას, ასევე გაცემულია თუ არა კონკრეტულ ობიექტზე მშენებლობის ნებართვა.

ბათუმში, 26 მაისის ქუჩაზე, კორპუსის სადარბაზო 8 ოქტომბერს, მოულოდნელად ჩამოინგრა. დაიღუპა 9 ადამიანი, მათ შორის, სამი მცირეწლოვანი.

____

ამავე თემაზე:

გამონგრეული სადარბაზოები ბათუმში – მშენებლობა კონტროლს მიღმა

 

ნეტგაზეთის მასალების სხვა გამოცემებში გადაბეჭდვის წესი
ავტორი