მთავარი,სიახლეები

ბათუმში დღეს საქართველო-საბერძნეთის შეხვედრა მაყურებლის გარეშე ჩატარდება

09.10.2021 • 3544
ბათუმში დღეს საქართველო-საბერძნეთის შეხვედრა მაყურებლის გარეშე ჩატარდება

ბათუმში დღეს, 9 ოქტომბერს დაგეგმილი საქართველო-საბერძნეთის საფეხბურთო მატჩი მაყურებლის გარეშე ჩატარდება.

საქართველოს ფეხბურთის ფედერაციის განცხადებით, მატჩის გადადების შესახებ საქართველოს ფეხბურთის ფედერაციამ ოფიციალური წერილით მიმართა ფიფა-სა და უეფა-ს, მატჩის ორგანიზატორებს, თუმცა მსოფლიო და ევროპული ფეხბურთის მმართველმა ორგანოებმა მოთხოვნა მატჩის გადადებასთან დაკავშირებით არ დააკმაყოფილეს.

უწყებათაშორისმა საკოორდინაციო საბჭომ 5 ოქტომბრის გადაწყვეტილება მატჩზე სტადიონის ტევადობის 33%-ის დაშვების შესახებ ძალადაკარგულად გამოაცხადა და მატჩი დღეს, ბათუმში მაყურებლის გარეშე გაიმართება.

გულშემატკივრებს, ვინც შეიძინა მატჩზე დასასწრები ბილეთი, სრულად აუნაზღაურდებათ ბილეთის საფასური.

მატჩზე დასწრებას შეძლებს მხოლოდ საბერძნეთის დელეგაცია, რომელიც უკვე ბათუმში იმყოფება და საქართველოს ფეხბურთის ფედერაციის წარმომადგენლები.

გადაბეჭდვის წესი


ასევე: