Batumelebi | „ამბასადორი ბათუმი“ უკანონო სართულის აშენებისთვის არ დააჯარიმეს – სამუშოები გრძელდება „ამბასადორი ბათუმი“ უკანონო სართულის აშენებისთვის არ დააჯარიმეს – სამუშოები გრძელდება – Batumelebi
RU | GE  

„ამბასადორი ბათუმი“ უკანონო სართულის აშენებისთვის არ დააჯარიმეს – სამუშოები გრძელდება

უკანონო, მეჩვიდმეტე სართულის დაშენებისთვის შპს „ამბასადორი ბათუმი“ აჭარის კულტურული მემკვიდრეობის სააგენტოს ამ დრომდე არ დაუჯარიმებია. როგორც სააგენტოში განგვიმარტეს, კომპანია დარღვევისთვის გააფრთხილეს და ადმინისტრაციული წარმოება დაიწყეს: „წარმოება ჯერ არ დასრულებულა.“

როგორც მოსალოდნელი იყო, გაფრთხილებამ არ გაჭრა – უკანონო სართულზე სამუშაოები კომპანიას არც ერთი დღით არ შეუჩერებია მზიან ამინდში. მშენებლობის ბოლო სართულზე დღეს, 7 ოქტომბერსაც, მუშაობენ. თუმცა არ ვიცით ეს სახურავის მოწყობის მოსამზადებელი სამუშაოებია, თუ მე-18 სართულის დაშენებისთვის ხიმინჯებს ამზადებენ.

მიმდინარე სამუშაოები, 3 ოქტომბერი, 18:00 სთ.

უკანონო სართულზე მშენებლობის პროცესი 17 სექტემბრის შემდეგ რამდენჯერმე გადავიღეთ.

შპს „ამბასადორი ბათუმს“ ბულვარში 16-სართულიანი სასტუმრო კომპლექსის მშენებლობის ნებართვა აქვს. 17 სექტემბერს „ბათუმელებმა“ აღმოაჩინა, რომ კომპანიამ დამატებით მეჩვიდმეტე სართული დააშენა. ფაქტი სააგენტომ ჩვენი შეტყობინების შემდეგ, 20 სექტემბერს, გადაამოწმა და დარღვევა დაადასტურა.

ამ დადასტურების შემდეგ კომპანიამ დაასრულა უკანონო სართულის გადახურვის სამუშაოები.

„ამბასადორი“ ბათუმის ბულვარში მე-17 სართულს აშენებს – დამტკიცებულია 16 სართული

ნეტგაზეთის მასალების სხვა გამოცემებში გადაბეჭდვის წესი
ავტორი