Batumelebi | ბიულეტენები კონვერტის გარეშე – რაზე შეთანხმდნენ ბათუმის №56 საარჩევნო უბანზე ბიულეტენები კონვერტის გარეშე – რაზე შეთანხმდნენ ბათუმის №56 საარჩევნო უბანზე – Batumelebi
ნეტგაზეთი • RU

ბიულეტენები კონვერტის გარეშე – რაზე შეთანხმდნენ ბათუმის №56 საარჩევნო უბანზე

ბათუმის #56 საარჩევნო უბანზე ხმების დათვლის დროს აღმოჩნდა, რომ სამი ბიულეტენი კონვერტის გარეშეა. სამივე ბიულეტენზე „ერთიანი ნაციონალური მოძრაობაა“ შემოხაზული.

დამკვირვებელმა ოპოზიციური ერთობიდან ბიულეტენების გადათვლა მოითხოვა, იმის გასარკვევად, ბიულეტენები უკონვერტოდ ჩააგდეს ყუთში თუ ყუთიდან გადმოვარდა.

ამ საკითხის განხილვას უბანზე დაძაბულობა მოჰყვა. საარჩევნო კომისიის თავმჯდომარემ საოლქო კომისიას მიმართა, ადგილზე მოვიდა ასევე ერთიანი ნაციონალური მოძრაობის ერთ-ერთი ლიდერი ბათუმში, მირდატ ქამადაძე.

მსჯელობის შემდეგ გადაწყდა, რომ სამივე ბიულეტენი ჩაითვლება, რადგან ვერავინ გაიხსენა ბიულეტენების უკონვერტოდ ყუთში მოთავსების ფაქტი.  შესაბამისად, კონვერტებს უბანზე აღარ გადათვლიან.

ნეტგაზეთის მასალების სხვა გამოცემებში გადაბეჭდვის წესი
ავტორი