Batumelebi | „რუსთავი 2“-ისა და „საქართველოს“ სარჩელს საკონსტიტუციო სასამართლო განიხილავს „რუსთავი 2“-ისა და „საქართველოს“ სარჩელს საკონსტიტუციო სასამართლო განიხილავს – Batumelebi
RU | GE  

„რუსთავი 2“-ისა და „საქართველოს“ სარჩელს საკონსტიტუციო სასამართლო განიხილავს

საკონსტიტუციო სასამართლო არსებითად განიხილავს შპს „სამაუწყებლო კომპანია რუსთავი 2“-ისა და „ტელეკომპანია საქართველოს“ კონსტიტუციურ სარჩელს. მოპასუხე მხარე – საქართველოს პარლამენტია. დავის საგანი სამოქალაქო კოდექსის 54-ე და 55-ე მუხლებია, რომლებსაც თბილისის საქალაქო სასამართლოში ქიბარ ხალვაში „რუსთავი 2“-ის წინააღმდეგ იყენებს. ეს მუხლები „მართლსაწინააღმდეგო და ამორალურ გარიგებებს“ ეხება.

მოსარჩელე მხარის მოთხოვნაა, არაკონსტიტუციურად ჩაითვალოს კონკრეტული ჩანაწერი კოდექსიდან: „ეწინააღმდეგება საჯარო წესრიგს ან ზნეობრივ ნორმებს“, ვიდრე საქალაქო სასამართლო ქიბარ ხალვაშის სარჩელზე გადაწყვეტილებას არ მიიღებს.

„რუსთავი 2“-ის ადვოკატების განმარტებით, საერთო სასამართლოებს განუსაზღვრელი თავისუფლება აქვთ, ამორალურ გარიგებად მიიჩნიონ სხვადასხვა ხელშეკრულება, რადგან კანონში ზუსტი განმარტება არ არსებობს.

„სადავო ნორმების შეჩერება მართლმსაჯულების განხორციელებას არ შეუშლის ხელს, ვინაიდან სადავო ნორმათა გამოყენების პრაქტიკა ძალზედ მცირეა და რეალურად არც გამოიყენება,“ –  წერენ მოსარჩელეები შუამდგომლობაში.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი