Batumelebi | ქობულეთელ როლანდ ნოღაიდელს გული გადაუნერგეს – ახალი გულით ახალ სიცოცხლეს ვიწყებ ქობულეთელ როლანდ ნოღაიდელს გული გადაუნერგეს – ახალი გულით ახალ სიცოცხლეს ვიწყებ – Batumelebi
RU | GE  

ქობულეთელ როლანდ ნოღაიდელს გული გადაუნერგეს – ახალი გულით ახალ სიცოცხლეს ვიწყებ

ქობულეთის მუნიციპალიტეტის სოფელ ჭახათში მცხოვრებ როლანდ ნოღაიდელს ბელარუსში გულის გადანერგვის ოპერაცია წარმატებით გაუკეთეს და უკვე კლინიკიდან გამოწერეს.

იგი ამის შესახებ თავად წერს და ფოტოსაც აქვეყნებს:

„უღრმეს მადლობას გიხდით მთლიან საქართველოს გვერდში დგომისთვის, ძალიან ბევრი გულშემატკივარი მყავხართ. ბევრი მკითხულობთ, ჩემი მდგომარეობა ყველას გაინტერესებს.

დღეს გამოვიწერე კლინიკიდან ახალი გულით და ახალ სიცოცხლეს ვიწყებ“, – წერს როლანდ ნოღაიდელი.

რონალდ ნოღაიდელის დიაგნოზი დილატაციური კარდიომიოპათია იყო, მას გულის გადანერგვა ესაჭიროებოდა. ეს ოპერაცია საქართველოში არ კეთდება, ბელარუსში ოპერაციის საფასური 100 000 დოლარი იყო.

„სიცოცხლე მინდა, დამეხმარეთ“ – 45 წლის კაცი გულის გადანერგვისთვის ფულს აგროვებს“ – ამ სათაურით გამოაქვეყნა სტატია „ბათუმელებმა“ 2020 წელს, რომელშიც ოჯახი საზოგადოებას დახმარებას სთხოვდა.

რამდენიმე თვეში როლანდ ნოღაიდელზე სიუჟეტი მოამზადა „ნანუკას შოუმ“, როლანდ ნოღაიდელს საზოგადოების, მოქალაქეების გარდა თანხა გადაურიცხა აჭარის და საქართველოს ჯანდაცვის სამინისტროებმა და აჭარის მთავრობამ.

საბოლოოდ, 2021 წლის ივნისში, როლანდ ნოღაიდელის ოპერაციისთვის თანხა სრულად შეგროვდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com