Batumelebi | რიჟვაძის დაანონსებული კუნძული თამარის დასახლების გასწვრივ განიხილება რიჟვაძის დაანონსებული კუნძული თამარის დასახლების გასწვრივ განიხილება – Batumelebi
RU | GE  

რიჟვაძის დაანონსებული კუნძული თამარის დასახლების გასწვრივ განიხილება

ბათუმში, ზღვაში ხელოვნური კუნძულის მოწყობის პროექტი აჭარის მთავრობის თავმჯდომარემ, თორნიკე რიჟვაძემ დააანონსა, თუმცა მან არ დააკონკრეტა, კონკრეტულად ვინ და სად გეგმავს ხელოვნური კუნძულის მოწყობას.

ცოტა ხნის წინ „ფეისბუქში“ გავრცელდა ბათუმში მოაზრებული ხელოვნური კუნძულის სავარაუდო რენდერები, რამდენიმე წუთის წინ კი იგივე ფოტოები აჭარის მთავრობის აპარატის უფროსმა, ჯაბა სურმანიძემ გამოაქვეყნა ფეისბუქის საკუთარ გვერდზე წარწერით – „როგორი იქნება ხელოვნური კუნძული ბათუმში (პირველადი ვერსია)“.

ამ ფოტოების მიხედვით ხელოვნური კუნძულის მოწყობა ბათუმში, თამარის დასახლებაში, რკინიგზის სადგურის მიმდებარედ არსებულ სანაპიროზე განიხილება.

ამავე ტერიტორიაზე 131 მეტრი სიმაღლის ცათამბჯენს აშენებენ, პროექტი ზღვაზე გადასახედი ხიდის მოწყობასაც ითვალისწინებს. მშენებელ კომპანიაში გვითხრეს, რომ ხელოვნური კუნძულის პროექტის თაობაზე მათ არაფერი იციან.

რიჟვაძე: ბათუმში აშენდება პალმის მსგავსი ხელოვნური კუნძული

 

 

ნეტგაზეთის მასალების სხვა გამოცემებში გადაბეჭდვის წესი
ავტორი