19 სექტემბერს უკრაინის დედაქალაქში გაიმართა „კიევი პრაიდი“, რომელშიც ათასობით ადამიანმა მიიღო მონაწილეობა.
„პრაიდმა“ კიევში ექსცესების გარეშე ჩაიარა. პარალელურად მიმდინარეობდა ანტიპრაიდის აქციაც, რომელშიც რამდენიმე ასეული ადამიანი მონაწილეობდა, თუმცა ფიზიკურ დაპირისპირებას ადგილი არ ჰქონია.
აქციაზე მობილიზებული იყო ათასობით პოლიციელი.
„კიევი პრაიდი“ უკრაინის დედაქალაქში უკვე მეათედ ჩატარდა.