მთავარი,სიახლეები

ეს არის ავღანური სამოსი და კულტურა – აქცია twitter-ზე

13.09.2021 • 1916
ეს არის ავღანური სამოსი და კულტურა – აქცია twitter-ზე

ცნობილი ავღანელი ქალი ბაჰარ ჯალილი, რომელიც ქალთა უფლებებზე მუშაობდა, სოციალურ ქსელ twitter-ის საკუთარ გვერდზე აქვეყნებს ქალების ტანისამოსს ჰეშთეგით – ეს არის ავღანეთის კულტურა.

ბაჰარ ჯალილიმ ეს აქცია მას შემდეგ წამოიწყო, რაც მსოფლიო მედიამ გამოაქვეყნა ავღანელი ქალების ფოტო უნივერსიტეტიდან. ამ ფოტოზე ქალები შემოსილნი არიან შავი სამოსით და სახეც დაფარული აქვთ.

#ავღანელიქალები #არშეეხოჩემსტანსაცმელს – #ავღანეთისკულტურა – ეს ჰეშთეგები ასობით ქალის ფოტოს აერთიანებს. ქალები პოსტავენ საკუთარ ფოტოებს, რომელზეც ტრადიციულ ავღანურ სამოსში არიან გამოწყობილები და ამ ფორმით აპროტესტებენ თალიბანის სურვილს, ქალები ბურკის ქვეშ მოაქციოს.

ავღანელი ქალები ტრადიციულ ავღანურ სამოსში

“მე და ჩემი ქმარი ამაყები ვართ იმით, რომ გვაცვია ტრადიციული ავღანური სამოსი ჩვენს ქორწილში,” – წერს ავღანელი სტუდენტი ქალი, რომელიც ახლა ამერიკაში ცხოვრობს.

ავღანეთის ხელისუფლებაში თალიბანის მოსვლის შემდეგ ქალების უფლებები მნიშვნელოვნად შეიზღუდა. მაგალითად, 8 სექტემბერს თალიბებმა ქალებს, რომლებიც მშვიდობიან აქციას მართავდნენ, მათრახებითა და ხელკეტებით სცემეს.

ხელისუფლებაში მოსვლისას თალიბანმა თქვა, რომ “მხარს უჭერს ქალთა უფლებებს შარიათის ფარგლებში”. თუმცა, მას შემდეგ, დაჯგუფებამ ყველა დასაქმებულ ქალს, გარდა ჯანდაცვის სექტორის მუშაკებისა, მოუწოდა სახლებში დარჩენილიყვნენ, სანამ უსაფრთხოების კუთხით ვითარება გამოკეთდება.

ქალების მუშაობას თალიბანი ასევე უსაფრთხოების საბაბით ზღუდავდა 90-იან წლებში, როცა დაჯგუფება პირველად მოვიდა ავღანეთის ხელისუფლების სათავეში.

ნეტგაზეთი | თალიბებმა ქალ დემონსტრანტებს მათრახებითა და ხელკეტებით სცემეს ქაბულში (netgazeti.ge)

გადაბეჭდვის წესი


ასევე: