Batumelebi | აჭარა ოჯახში სექსუალური ძალადობით რეგიონებს შორის მესამე ადგილზეა აჭარა ოჯახში სექსუალური ძალადობით რეგიონებს შორის მესამე ადგილზეა – Batumelebi
RU | GE  

აჭარა ოჯახში სექსუალური ძალადობით რეგიონებს შორის მესამე ადგილზეა

ოჯახში ძალადობის 4886 შემთხვევიდან 22 იყო სექსუალური ძალადობა. 2021 წლის იანვრიდან პირველ ივლისამდე სტატისტიკურ მონაცემს შინაგან საქმეთა სამინისტრო აქვეყნებს.

შემთხვევის ადგილზე მისული პოლიციელები შემაკავებელ ორდერს აფორმებენ. ორდერში მიეთითება, კონკრეტულად რა სახის ძალადობაზე საუბრობს მსხვერპლი: ფიზიკური, ფსიქოლოგიური, ეკონომიკური, სექსუალური… შსს ამ სახის სტატისტიკას გასული წლიდან ამუშავებს.

ოფიციალური სტატისტიკის მიხედვით, სექსუალური ძალადობის 22 შემთხვევიდან ყველაზე მეტი შემთხვევა – 8 თბილისში დაფიქსირდა, 5 ფაქტი იყო იმერეთში, 3 – აჭარაში.

2020 წელს ოჯახში ძალადობის შემთხვევებიდან წლის განმავლობაში სულ 31 სექსუალური ძალადობა დაფიქსირდა ოჯახში.

2021 წლის იანვრიდან პირველ ივლისამდე ქვეყნის მასშტაბით ოჯახში ძალადობის 4886 შემთხვევა დაფიქსირდა, აქედან ყველაზე მეტი ისევ თბილისზე მოდის – 2147, აჭარა – 502.

ოჯახში ძალადობის  შემთხვევების უმრავლესობა [4479 შემთხვევა] ფსიქოლოგიური ძალადობაა. ამავე პერიოდში ფიზიკური ძალადობის 1315 ფაქტი დადასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი